Salla Universale do të ndërtohet në një fazë, ndërsa hapja pritet të bëhet deri në fund të vitit 2027, deklaroi ministri i Kulturës dhe Turizmit, Zoran Lutkov, gjatë vizitës së sotme në “Skupi”.
Ai tha se tashmë janë zgjidhur të gjitha mospërputhjet ligjore, është shpallur tenderi dhe janë siguruar rreth 20 milionë euro. Ndërtimi duhet të fillojë pas 15 shtatorit dhe do të financohet gjatë viteve 2025, 2026 dhe 2027.
Lutkov paralajmëroi edhe restaurimin e Kalasë së Shkupit, për të cilën janë siguruar 8 milionë denarë, me synim që të dy muzetë të hapen për vizitorët deri në fund të vitit.
“Të gjitha çështjet i kemi zgjidhur, jemi harmonizuar ligjërisht dhe e kemi shpallur prokurimin shumëvjeçar publik. Kjo do të thotë se do të financohet diku pas 15 shtatorit; nëse gjithçka shkon mirë me prokurimin publik, do të fillojmë me ndërtimin dhe do të financohet në vitet 2025, 2026, 2027; duhet të përfundojë deri në fund të vitit dhe do të mbeten edhe disa mjete që duhet të paguhen në vitin 2028. Hapja pritet të jetë drejt fundit të vitit 2027, në varësi të dinamikës së kontraktuesve”, theksoi Zoran Lutkov, Ministër i Kulturës dhe i Turizmit./TV21/
Salla Universale në Shkup pritet të hapet deri në fund të vitit 2027, janë siguruar 20 milionë euro appeared first on Telegrafi.
