Brenda një jave qeveria pritet të prezantojë zgjidhjen që provimi i jurisprudencës të jepet edhe në gjuhën shqipe, tha zv.kryeministri Bekim Sali.
Në një konferencë për shtyp, i pyetur nga gazetarët, ai theksoi se po punohet për pako më të gjerë për çështje të ngjashme.
“Jemi në përfundim e sipër të fazës së konsultimeve me ekspertë dhe unë besoj që shumë shpejtë, ndoshta edhe…tash nuk dua të kapeni për afatin kohor, ndoshta edhe një javë mund të zgjasë deri në vendimin final të cilin do ta promovojmë në mënyrën e njëjtë besoj”, tha Sali, duke shtuar se nuk do të jetë zgjidhje vetëm për jurisprudencën, por edhe për tema të tjera të ngjashme.
