Në Gjykatën Themelore Penale Shkup sot duhet të vazhdojë gjykimi për vrasjen e të miturës Vanja Gjorçevska dhe Pançe Zhezhovskit nga Velesi, ku i akuzuar i parë është Lupço Palevski – Pallço, bashkë me Bore Videvski, Velibor Manev dhe Vllatko Keshishov, si dhe babai i vajzës, Aleksandar Gjorçevski. Rasti gjendet në procedurën e dëshmive dhe duhet të vazhdojë me prezantimin e dëshmive të propozuara nga Prokuroria.
I akuzuar i parë për vrasjen e dyfishtë e Vanja Gjorçevska dhe Pançe Zhezhovski, Lupço Palevski Pallço, në fillim të seancës të caktuar për më 27 janar, kërkoi përjashtimin e prokurores publike Zhaklina Kërstevska dhe të gjithë PTHP Shkup në rastin për shkak të hetimit të zbatuar në mënyrë joadekuate, me çka seanca ishte shtyrë për sot.
Paraprakisht, nga ana e Prokurorisë ishin prezantuar video materiale nga kamerat e sigurisë. Prokuroria prezantoi xhirime nga sistemi Sejf siti, për të cilat tha se janë siguruar me kërkimin në targat e veturave të Citroen dhe Reno Kangu për lëvizjen e tyre përgjatë Shkupit në ditën kritike më 27 nëntor të vitit 2023 dhe disa ditë para se të grabitej vajza.
Në të njëjtën kohë, dëshmitari Goce Trajkovski, i cili së bashku me babain e vajzës së vrarë Vanja, Aleksandar Gjorçevski, sipas deklaratave të mëparshme të dëshmitarëve të tjerë, kanë mbledhur dhe shikuar video nga ndërtesat përreth, për një tjetër nuk ka qenë në dispozicion të organeve të rendit për vepër tjetër penale dhe nuk ka mundur të merret në pyetje në seancat e mëparshme, ai së fundmi është dorëzuar në stacion të policisë.
Krahas dëshmive të familjeve të Vanjës dhe Pançes, të njohurve dhe zyrtarëve të Palços, deri më tani në këtë proces, prokurorja Zhaklina Trajkovska ka shpjeguar shkurt para Gjykatës 180 nga gjithsej 197 prova, të cilat kanë të bëjnë me lokacionet ku janë gjetur viktimat, gjetjet nga hetimet e hetuesve, gjetjet e gjurmëve, gjetjet e autopsisë, si dhe raportet e ekspertizës psikiatrike.
Siç theksoi prokurorja, viktimat u vranë me një të shtënë në kokë nga një distancë e afërt, me të njëjtin kalibër plumbi 9 mm, duke treguar se nga autopsia rezultoi se Vanja nuk ishte mbytur, domethënë të dy viktimat ishin gjallë në atë moment të ekzekutimit. Sipas analizës së ADN-së të shiritit ngjitës që ishte në gojën e Vanjës, u gjetën gjurmë të përziera të vajzës, si dhe, sipas të gjitha gjasave, gjurmë të të pandehurit Velibor Manev.
Në seancën e parë gjyqësore të akuzuarit Lupço Palevski, Bore Videvski, Velibor Manev dhe Vllatko Keshishov, si dhe babai i vajzës, Aleksandar Gjorçevski u shprehën se nuk ndjehen fajtorë.
Sipas aktakuzës, ata bashkërisht kishin planifikuar rrëmbimin e vajzës 14-vjeçare në mënyrë që të detyronin një anëtar të familjes së saj të ngushtë të siguronte para për shpërblim. Ndërkaq, rrëmbimi i të dëmtuarit, Pançe Zhezovski, në Veles ka qenë me qëllim që ta detyrojnë që t’ua japë automjetin e tij Citroen në mënyrë që ta përdorin për ta rrëmbyer fëmijën në Shkup.
Vanja e mitur dhe banori nga Velesi Pançe, të cilët u raportuan të zhdukur më 27 dhe 24 nëntor, u gjetën të vdekur në afërsi të Shkupit dhe Velesit më 3 dhjetor të vitit 2023.
Gjykimin e udhëheq gjykatësi Ivica Stefanovski, ndërsa përfaqësues i akuzës është prokurorja Zhaklina Kërstevska.
Rasti i Vanjës dhe Pançes, vazhdon prezantimi i dëshmive të propozuara nga Prokuroria appeared first on Telegrafi.
