Nga e premtja e ardhshme, 26 shtator, do të hyjnë në fuqi rregulla më të rrepta të trafikut, me gjoba përmes sistemit “Qyteti i Sigurt”.
Këmbësorët që kalojnë një vendkalim për këmbësorë duke përdorur një telefon celular do të gjobiten me 40 euro.
Për çiklistët, shoferët e traktorëve, motoçikletave dhe skuterëve elektrikë që përdorin një telefon ose pajisje tjetër elektronike gjatë drejtimit të automjetit, gjoba do të jetë 50 euro.
Ligji përcakton që gjatë drejtimit të një automjeti, nuk mund të përdoren kufje, telefona celularë, tableta, ora inteligjente ose pajisje të tjera elektronike që mund të zvogëlojnë vëmendjen dhe sigurinë.
Përjashtim bëjnë pajisjet e specializuara të komunikimit të integruara në helmeta mbrojtëse.
Edhe pse kamerat në komunikacion janë legalizuar tashmë, zbatimi i tyre i plotë do të fillojë në Vitin e Ri.
Deri atëherë, sistemi “Qyteti i Sigurt” do të funksionojë në mënyrë prove.
