Qyteti i Shkupit ka dorëzuar 20 raste në Prokurorinë Themelore Publike për ndjekje të krimit të organizuar dhe korrupsionit sa u takon legalizimit të ndërtesave pa leje në Komunën e Çairit. Siç thekson kryetarja e Shkupit, Danella Arsovska, nuk bëhet fjalë për tarraca apo garazhe, por për ndërtesa të tëra të ndërtuara në kundërshtim me Ligjin, për vetëm një objekt që ka kushtuar mbi 1 milion euro, ndërsa detyrimet bazë apo komunalet arrijnë mbi 1.5 milion euro.
Sipas Arsovskës, në Komunën e Çairit ka mbi 150 ndërtesa të tilla nga 12 kate pa leje dhe projekte që kanë dëmtuar buxhetin e qytetarëve me 225 milionë euro, një krim që siç theksoi ajo, “e ka ditur ose duhej ta dinin kryetari i Komunës së Çairit Visar Ganiu dhe bashkëpunëtorët e tij”. Arsovska ka treguar dy imazhe kryesore satelitore nga Agjencia e Kadastrës së pasurive të paluajtshme të vitit 2017, ku në lokacion nuk ka ndërtesa të paligjshme dhe Ligji për legalizimin zbatohet vetëm për ndërtesat e ndërtuara para vitit 2011.
“Në mënyre magjike, në gjysmën e dytë të vitit 2023, fillon të formohet një pllakë e cila bëhet ndërtesë 12-katëshe në vitin 2024. Tani, Visar Ganiu po përpiqet të na bind se e gjithë kjo është legale. Risia qëndron në faktin se për këtë ndërtesë të ndërtuar në vitin 2024 ka aplikuar me kërkesën e tij një farë Bekim Azemi, i cili është vëllai i inovatorit të mëparshëm 15-vjeçar, Bujar Azemi. Risia është se Bekim Azemi është sipërmarrësi më i ri në Maqedoni në shekullin e kaluar. Sipas dokumentacionit të prezantuar, ai e ka ndërtuar këtë ndërtesë në vitin 2010 kur ishte vetëm 11 vjeç dhe në moshën 12 vjeçe në mënyrë të pavarur ai paraqet kërkesë për legalizim. Prandaj nuk është çudi që jemi ekonomia e katërt më e suksesshme në Evropë, sepse të rinjtë tanë që në moshën 12 vjeçare ndërtojnë ndërtesa në Çair dhe bëhen milionerë. Si përmbledhje, kjo paraqet krim”, tha Arsovska.
Arsovska theksoi gjithashtu se Visar Ganiu për tre vjet ka bërë më shumë ndërtime të paligjshme se të gjitha komunat së bashku që kanë lëndë.
Qyteti i Shkupit ka dorëzuar 20 raste në PTHP për ndërtimet pa leje në Çair appeared first on Telegrafi.
