Deputeti i koalicionit VLEN, dhe përfaqësues i Lëvizjes Vetëvendosje në Maqedoninë e Veriut, Bekim Qoku njofton se nuk është kërkuar që Arben Taravari të largohet nga Qeveria.
Ai theksoi se çdo subjekt politik brenda VLEN-it që bashkëpunon me BDI-në dhe me Ali Ahmetin për VLEN-in është e papranueshme.
“Nuk është kërkuar të largohet nga qeveria, por ne natyrisht jemi të bindur që çdo subjekt politik brenda familjes VLEN, që koketon, bashkëpunon fshehurazi, pa dijen tonë, për interesat grupore, me BDI-në dhe me Ali Ahmetin, ka qenë e papranueshme”, tha Bekim Qoku për “TV21”.
Mes tjerash deputeti i VLEN-it Bekim Qoku nuk komentoi asnjë vlerësim rreth kreut të ASH-së, Arben Taravarit, por shtoi se si koalicon do të diskutojnë dhe do të vendosin për fatin e VLEN-it.
“Nuk do të komentoj asnjë vlerësim rreth Taravarit dhe ASH-së, janë ato vendimet e tyre. Do ulemi, do i gjykojmë, do të vendosim për fatin e VLEN-it. Taravari është, ka qenë i mirëseardhur gjithmonë këtu, ne kemi qenë një dhe kemi tentuar të jemi një. Por se çfarë, veprimet e tij, duhet të, duhet ai të japë përgjegjësi”, theksoi Bekim Qoku.
I pyetur për atë se a e ka derën e hapur Ziadin Sela në VLEN, Qoku tha se në shumicën parlamentare çdo kush që dëshiron të luftojë korrupsionin e ka derën hapur.
“Në VLEN nuk kisha thënë, por në shumicën parlamentare, besoj që çdo parti që vendos të luftojë korrupsionin, të luftojë të vjetrën, të luftojë…të bëhet pjesë e ndryshimeve të mëdha, unë besoj që duhet të jetë i mirëseardhur”, tha Bekim Qoku.
Qoku: Nuk kemi kërkuar që Taravari të largohet nga qeveria appeared first on Telegrafi.