Numri emergjent i Qendrës për Menaxhim me Kriza regjistroi dje mbi 50 raste të telefonatave, pas stuhisë që përfshiu Shkupin.
U dëmtuan kabllo elektrikë, dëmtime të automjeteve dhe pronës private.
“Si rezultat i motit të keq që përfshiu Qytetin e Shkupit, në numrin e thirrjeve emergjente 112 u raportuan pemë të rrëzuara, kabllo të këputura të EVN-së dhe në një pjesë të vogël dëmtime të pronës private, automjete, strehë, etj”, thonë nga QMK.
QMK njofton se rastet janë përcjellë deri tek shërbimet kompetente, të cilët kanë vepruar me urgjencë.
Kujtojmë se dje pasdite në qytetin e Shkupit pati një stuhi të fuqishme, raste të dëmeve u raportuan nëpër disa lagje, teksa në vendet tjera jashtë kryeqytetit nuk ka pasur problematika të ngjajshme.
QMK: Pranuam mbi 50 telefonata për intervenime urgjente pas stuhisë në Shkup appeared first on Telegrafi.