Qeveria sot me një kumtese ka reaguar ndaj, siç theksohet, informacioneve të pasakta për furnizimin e prokurimin e pemëve dhe perimeve.
Dezinformatat e tilla, siç theksojnë, janë me qëllim që të krijohet një imazh i rremë dhe të manipolohet e vërteta, edhe pse burimi i dezinformata të tilla është i njoftuar mirë me gjendjen faktike.
“Koha e “Jagmës” shtetërore siç ka qenë në kohën pushtetit të kaluar, ka përfunduar. Nuk është e saktë se furnizimin e bën Qeveria, por furnizimin e rregullt e zbaton Shërbimi për Punë të Përgjithshme dhe të Përbashkëta (SHPPP) dhe është i destinuar për funksionimin normal të restoranteve në pronësi të SHPPP-së. Ky furnizim po zbatohet prej shumë vitesh sipas të njëjtit parim, siç është rasti me çdo restorant në shtet, i cili duhet të ketë në dispozicion një shumëllojshmëri produktesh ushqimore, edhe pse disa prej tyre nuk përdoren gjithmonë”, thuhet në kumtesën e qeverisë.
Nga Qeveria theksojnë se produkte si mango, shpargu dhe ushqime të ngjashme specifike nuk janë furnizuar apo porositur asnjëherë nga firma fituese e furnizimit publik.
Treguesit ekonomikë, siç theksojnë, e konfirmojnë synimin e qeverisë që të punojë me përgjegjësi, në mënyrë transparente dhe pa shpenzime joproduktive. Theksojnë se janë rritur edhe çmimet e shërbimeve dhe ushqimeve në SHPPP, në mënyrë që të mos ketë të privilegjuar në përdorimin e të njëjtave shërbime.
Qeveria: Nuk ka shpenzime joproduktive, informacionet për furnizimet me fruta dhe perime janë dezinformata appeared first on Telegrafi.