Sindikata e Gjimnazistëve njofton se Ministria e Arsimit dhe Shkencës dhe Qendra Shtetërore e Provimeve kanë pranuar kërkesën e tyre për dhënien e provimit të maturës shtetërore në hapësirat e shkollave në vend të amfiteatrove të fakultetit.
“Sipas këtij vendimi, maturantët do t’i nënshtrohen provimeve në shkollat e tyre, me kusht që të plotësojnë standardet e nevojshme për zhvillimin e provimeve. Për shkollat që nuk plotësojnë këto kushte, Qendra Shtetërore e Provimeve do të ofrojë lehtësira alternative në bazë të kërkesave të paraqitura nga shkollat e prekura”, thonë nga Shoqata.
Lidhur me këtë vendim, Sindikata e Gjimnazistëve do të bëjë një deklaratë zyrtare nesër në orën 12:00 para ambienteve të Qendrës Shtetërore të Provimeve. Deklarata do të bëhet nga Berin Muhamed, kryetar i Sindikatës së Gjimnazistëve të RMV-së dhe Daniela Jovçevska Mihajlovska, drejtoreshë e QSHP./Telegrafi/
Provimi i maturës shtetërore do të jepet në ambientet e shkollave, është pranuar me sukses kërkesa e Sindikatës së Gjimnazistëve në RMV appeared first on Telegrafi.