Nëpunësit policor dje kanë arrestuar një person nga fshati Slloeshticë, rajoni i Demir Hisarit, për shkaktimin e zjarrit në shtëpi. Ai i vuri flakën degëve midis një shtëpie dhe një hambari me ç’rast shkaktoi zjarr ku hambari u dogj plotësisht.
“Dje në fshatin Slloeshticë, rajoni i Demir Hisarit, nëpunës policorë nga NJPB Demir Hisar e privuan nga liria N.M. (69) nga fshati Slloeshticë. Konkretisht, në NJPB Demir Hisar është denoncuar se ka shpërthyer zjarr në një shtëpi në fshatin Slloeshticë dhe pas marrjes së masave, u konstatua se N.M. i vuri flakën degëve midis një shtëpie dhe një hambari, në pronësi të A.P. (45) nga Shkupi, në të cilat u përfshi hambari dhe u dogj plotësisht. Zjarri u shua nga një ekip i Njësitit Territorial të Zjarrfikësve të Demir Hisarit, dhe nuk pati të lënduar”, theksojnë nga MPB.
Nga Ministria kumtojnë se mbikëqyrje është kryer nga një ekip i NJPB Demir Hisar, dhe pas dokumentimit të ngjarjes, kundër personit do të pason parashtresa përkatëse.
Privohet nga liria një person nga rrethina e Demir Hisarit për shkaktim të rrezikut të përgjithshëm appeared first on Telegrafi.