Presidentja Gordana Siljanovska Davkova sot në vilën Biljana në Ohër, i priti gratë e zgjedhura menaxhere për vitin 2024, nga vendi dhe rajoni, në kuadër të manifestimit “Zgjedhja e grave më të suksesshme”, organizuar nga agjencia “Marili”.
Siç kumtoi Kabineti presidencial, në takim u bisedua për qëllimet e manifestimit, i cili mbahet tashmë 28 vite, si i vetmi në vend dhe me traditën më të mirë rajonale. Në frymën e simbolikës, “Gruaja udhëheqëse” – statujë që u dorëzohet fitueseve, ky manifetim vazhdimisht e promovon menaxhimin e grave.
Bashkëbisedueset e njoftuan Davkovën edhe me aktivitetet e Marili Biznis Klubit (MBK) të formuar në vitin 2016, ndërsa në të cilin bëjnë pjesë lidere të suksesshme biznesi që gjatë viteve ishin bartëse të mirënjohjes.
Drejtoresha e “Marili”-t, Lidia Tripunovska informoi për veprën e vetme ekskluzive të shtypur “Katalogu i biznesit i Maqedonisë”, që agjencia e publikon tashmë 28 vite, me qëllim të promovimit të potencialeve të rëndësishme të vendit, is gjeografike, natyrore, ekonomike, ekologjike, kulturore dhe sportive.
Duke i uruar gratë e përzgjedhura menaxhere për vitin 2024, presidentja Davkova e theksoi shembullin e tyre personal si nxitje për përfshirje më të madhe të grave në sektorin e biznesit. Në atë kontekst shprehi kënaqësi edhe nga përkushtimi i agjencisë, e cila me nimat e saj, projektet dhe aktivitetet, kontribuon drejt avancimit të menaxhimit të grave, si një nga parakushtet kyçe për zhvillim t[ë qëndrueshëm të shoqërisë sonë.
Presidentja Siljanovska Davkova i priti gratë e zgjedhura menaxhere për vitin 2024 appeared first on Telegrafi.