Ka shumë mundësi investimi në Maqedoni, vendi mund të jetë Zvicra e Ballkanit. Përqendrohuni te energjia, inteligjenca artificiale dhe kriptovalutat dhe do të keni shumë prosperitet në vend. Ju mund të bëheni Zvicra e ardhshme për brezat e ardhshëm. Mund të ndihmoj me punësim, të sjell biznese ose investime. Mendoj se Maqedonia nuk duhet të shqetësohet aq shumë për pjesën tjetër të botës, nuk duhet të shqetësohet aq shumë për BE-në, apo për ndonjë vend tjetër në botë, por duhet të shqetësohet për veten, dhe se mund të jetë Zvicra e Ballkanit, apo në botë, tha Kris Pavlovski, drejtor i kompanisë “Rumble”.
“Zvicra e përdor shumë mirë perceptimin se është neutrale dhe mendoj se Maqedonia mund ta bëjë këtë. Unë mendoj se mund të lulëzojë në këtë mënyrë, ngjashëm me atë që bëri El Salvadori në Amerikën Qendrore. Mendoj se Maqedonia ka potencialin të jetë një shtet neutral që do të qëndrojë larg zhvillimeve politike dhe do të përqendrohet në ekonominë e vendit, do të heqë barrierat për qytetarët dhe kjo duhet të jetë fokusi”, tha Pavlovski në një paraqitje në “TV Sitel”.
Ai tha se është takuar me kryeministrin Hristijan Mickoski dhe se prindërit e tij janë me origjinë nga Maqedonia./Telegrafi/
Pavlovski: Maqedonia duhet të përqendrohet te energjia, inteligjenca artificiale dhe kriptovalutat dhe do të keni prosperitet të madh appeared first on Telegrafi.
