Partia e Pensionistëve edhe një herë thekson dhe kërkon që Qeveria urgjentisht të rrisë limitin për trajtim spitalor falas për pensionistët me pensione të ulëta, thuhet në deklaratën e tyre.
Kjo është se, nga marsi i vitit 2025, me një rritje të pensioneve me 2500 denarë, pensioni minimal ka arritur në pragun prej 18,292 denarësh, ndërsa limiti për trajtim spitalor falas është ende 18,000 denarë.
Me këtë fakt, për një periudhë të gjatë kohore, asnjë pensionist në vend nuk është përjashtuar nga bashkëpagesa për trajtim spitalor, gjë që prek më së shumti pensionistët me pensionet më të ulëta dhe familjet e tyre.
“Duhet theksuar se ky problem është edhe më kompleks, sepse në të njëjtën kohë kemi edhe çmimet më të larta për ilaçet në rajon, Partia e Pensionistëve kërkon që limiti deri në të cilin pensionistët nuk do të paguajnë bashkëpagesë për trajtim spitalor nga janari i vitit 2026 të jetë 25,000 denarë, dhe në të ardhmen, ai të lidhet vazhdimisht me shumën e pagës minimale”, thonë nga PP.
