Qytetarët e Tetovës vazhdojnë të marrin fatura të fryra për shërbimet komunale dhe kërkojnë nga kryetari i Komunës së Tetovës, Bilall Kasami që ta zgjidhë problemin sepse thonë nuk është zgjidhur me kompaninë “Saubermacher”, e cila ka marrë përsipër mbledhjen e mbeturinave nga qyteti.
“Saubermacher” ka filluar të lëshojë faturat e muajit shkurt nga muaji mars, por në vend për banor, tarifon për metër katror të shtëpisë, ndërsa qytetarët thonë se të dhënat në fatura nuk janë të sakta për metër katror dhe ka edhe gabime tjera.
“Fatura vjen edhe për mua edhe për bashkëshortin tim dhe janë jashtëzakonisht të larta. Kanë vendosur kanalizim, ndërsa ne nuk kemi kanalizim në rrugicën ku jetojmë. Kam paraqitur ankesë, kam shkuar në selinë e “Saubermacher” në fshat dhe dje kam marrë sërish të njëjtën faturë. Duhej t’i shikonin faturat e vjetra. E pyeta nje komshi, kemi përafërsisht të njëjtën madhësi të shtëpive, e saj 640 me kanalizim, ndërsa ne të dy 1200 pa kanalizim. Është sikur të paguajmë rrymë”, tha Divna Zdravevska.
Një banore e bllokut 82 në Tetovë ka thënë se ka paguar faturat prej rreth 310 denarë, ndërsa tani merr 700 denarë.
“Nuk është e nevojshme të paguajmë për metër katror, duhet të paguajmë siç kemi paguar pasi muret nuk bëjnë mbeturina. Dua të jetë siç ka qenë ose të paguaj si individ. Muajin e parë ka ardhur fatura, muajin e dytë jo, sot është data 31dhe ende nuk ka ardhur. Kur të vijë, do të grumbullohet”, theksoi ajo.
Kryebashkiaku Bilall Kasami është i bindur se problemet do të zgjidhen hap pas hapi.
“Disa janë më të komplikuara, kërkojnë më shumë kohë, informacion dhe të dhëna për të harmonizuar të dhënat që ka NPK Tetovë me realitetin në terren. Por ajo që premtuam është se do të vazhdojmë të komunikojmë me qytetarët në baza javore së bashku me drejtorët e të gjitha shoqërive publike, për të parë në vend ku është problemi dhe kush duhet të ndërhyjë dhe ta zgjidhë atë problem, sepse bëhet fjalë për 30 mijë klientë. Bëhet fjalë edhe për lëvizje nga faturimi për frymë për metër katror. Duke pasur parasysh se të dhënat e marra nga Kadastra nuk janë plotësisht realiste. Ka disa lloje problemesh që ne do të përpiqemi t’i zgjidhim hap pas hapi”, tha Kasami.
Sipas tij, databaza e vjetër për shfrytëzuesit e NPK Tetovë nuk mund të përdoret për shkak se nuk është përditësuar.
Kryetari i komunës u bëri thirrje qytetarëve që të parashtrojnë ankesa për problemet në zyrat e “Saubermacher” në Pallçisht, por edhe në objektin e Komunës së Tetovës dhe NPK Tetovë afër tregut dhe si mjet i fundit të dalin në takime të hapura çdo të premte të fundit të muajit./Telegrafi/
“Paguaj edhe për kanalizim, ndërsa rruga jonë nuk ka kanalizim”, vazhdon problemi me faturat për tetovarët appeared first on Telegrafi.