Deklarata e ministrit të Jashtëm bullgar se ndryshimet kueshtetuese nuk janë kërkesa e fundit e palës bullgare vazhdon të shkaktojë përplasje politike.
Partia në pushtet OBRM-PDUKM akuzon LSDM-në se ka mashtruar qytetarët, duke thënë se ndryshimet kushtetuese janë gjëja e fundit që vendi duhet ta gëlltit.
“Dimitar Kovaçevski, Bojan Mariçiqi, Bujar Osmani prej dy vitesh pretendonin se ndryshimet kushtetuese do të ishin kërkesa e fundit e Bullgarisë, edhe pse OBRM-PDUKM paralajmëroi se nuk do të ishte kështu. LSDM gënjeu me vetëdije. Atë që të gjithë e dinin dhe për çfarë paralajmëruam, tani e ka thënë vetë Bullgaria. Ministri i Jashtëm i Bullgarisë e bëri të qartë se ndryshimet kushtetuese nuk do të jenë kërkesa e fundit. Po të mos ishte OBRM-PDUKM dhe politikat e saj të menduara dhe burrështetas, LSDM do ta kishte rrënuar vendin.”, theksojnë nga OBRM-PDUKM.
Nga LSDM reaguan duke thënë se Maqedonia e Veriut ka marrëveshje me BE-në, ku janë të definuara në mënyrë të qartë se çfarë dhe si duhet plotësuar.
Procesi i negociatave të vendit me BE-në ka ngecur, për shkak se vendi ende nuk ka miratuar ndryshimet kueshtetuese, e cila sipas propozimit francez është kusht për nisjen e bisedimeve me BE-në.
OBRM-PDUKM: LSDM gënjeu kur thanë se ndryshimet kushtetuese janë e vetmja kërkesë e Bullgarisë appeared first on Telegrafi.