humë zhurmë por asnjëherë realizim gjithmonë para cikleve zgjedhore rreth ndryshimit të modelit zgjedhor dhe të Kodit zgjedhor. Partitë politike prej vitesh mbeten në qëndrimet e njëjta, formojnë grupe pune, dorëzojnë nisma dhe hapet debat, por asnjëherë nuk është arritur konsensus.
Tani që kanë mbetur edhe më pak se gjashtë muaj nga zgjedhjet lokale, OBRM-PDUKM-ja mendon se është koha e duhur për të arritur konsensus për modelin zgjedhor me një njësi zgjedhore, i cili do të zbatohej nga zgjedhjet e ardhshme parlamentare. Kryeministri Hristijan Mickoski nga foltorja e Kuvendit kishte deklaruar se është koha për një njësi zgjedhore me mundësinë që të votojë edhe diaspora.
LSDM-ja është poashtu për një njësi zgjedhore. Oliver Spasovski në intervistë për Alsat deklaroi se një njësi zgjedhore, listat e hapura dhe ulje e numrit të deputetëve është qëndrimi i tyre i qartë dhe konzistent.
Nga BDI-ja sot nuk u përgjigjën në këtë pyetje, megjithatë më herët kishin deklaruar se do të ishte i pranueshëm modeli me një njësi zgjedhore me lista të hapura, me një prag zgjedhor prej 3% të votuesve të regjistruar, ose një prag prej 5% të votuesve që marrin pjesë në zgjedhje.
Aleanca për Shqiptarët e Ziadin Selës kërkon modelin me tetë njësi zgjedhore. Sipas tyre, modeli me një njësi do të ishte në dëm të përfaqësimit të shqiptarëve në Kuvend.
VLEN thonë se është akoma herët të hapen diskutime lidhur me këtë çështje dhe për ndryshimet eventuale kërkojnë konsensus të gjerë shoqëror e politik përmes një dialogu mes grupeve parlamentare për të gjetur një zgjidhje të pranueshme për të gjithë. Më herët, qëndrimet mes partive të këtij koalicioni për këtë çështje kishin qenë të ndryshme.
Për dallim nga partitë më të mëdha, partitë më të vogla kanë kërkuar vazhdimisht modelin me një njësi zgjedhore por pa prag zgjedhor. Sipas tyre, në këtë mënyrë do të demokratizohej procesi dhe do të avancohej përfaqësimi i partive dhe i pakicave në Kuvend. Një nismë e tillë nga partitë më të vogla në koalicionin qeverisës më LSDM-në kishte qëndruar e hapur për vite me radhë në përbërjen e kaluar parlamentare, pa u vendosur kurrë në rend dite.
OSBE-ODIHR-ja nga ana tjetër, kërkon një Kod të ri zgjedhor, për të cilin partitë po ashtu nuk kanë konsensus.
Ministri i Drejtësisë Igor Fillkov, ditë më parë deklaroi se ka bisedime mes partive për modelin zgjedhor dhe për rekomandimet e ODIHR-së. /Alsat/
Nuk ka konsensus për ndryshimin e modelit zgjedhor në RMV appeared first on Telegrafi.
