Në një prononcim të fundit, Ministri i Bujqësisë, Pylltarisë dhe Ujërave, Ljupço Nikolovski, bëri të ditur se ndërtimi i sistemeve të ujitjes në Kërçovë po bën përparime të mëdha. Sipas tij, deri më tani janë ndërtuar rreth 12.5 kilometra tubacione nga gjithsej 14.5 kilometra të planifikuara për sistemin e ujitjes Kolibari-Cërvivci, përcjell Telergafi.
Ky investim, i cili filloi në majin e vitit 2023, synon të sigurojë ujitjen e deri në 160 hektarëve të tokës bujqësore nëpër lumit Zajashka. Ministri vuri në dukje se ky projekt do të ndihmojë mbi 2000 banorë të fshatrave Kolibari dhe Cërvivci, duke siguruar ujë cilësor për bujqësinë dhe duke nxitur prodhimtarinë bujqësore dhe blegtorale.
Investimi në infrastrukturën e ujitjes është një prioritet i rëndësishëm për Ministrinë, tha Nikolovski, duke nënvizuar projektin e madh të ndërtimit të digës Konsko si një ndër projektet kryesore në këtë drejtim. Diga, e cila filloi si një ëndërr në vitin 1973, tani është bërë realitet dhe do të sigurojë ujin e nevojshëm për ujitjen e tokave bujqësore gjatë gjithë vitit.
Përveç kësaj, ministri bëri të ditur për projekte të tjera të rëndësishme të menaxhimit të ujit si sistemet Pepelishte, Straishte dhe Lisice, të cilat po zhvillohen në kuadër të Programit Shtetëror të Ujitjes. Këto projekte synojnë ujitjen e 13.500 hektarëve të tokës bujqësore dhe kanë një vlerë prej 120 milionë euro.
Investimet kapitale në infrastrukturën e ujitjes parashikojnë një disponueshmëri më të madhe të ujit për kulturat bujqësore dhe pritet të sjellin një rritje të prodhimit vendas të ushqimit, duke ulur koston e prodhimit. /Telergafi/
Nikolovski: Progres në ndërtimin e sistemeve të ujitjes në Kërçovë dhe rreth appeared first on Telegrafi.