Zëvendëskryeministri dhe ministri i Transportit, Aleksandar Nikoloski, pret që linja e parë e “Trenit të Qytetit” Zelenikovë – Draçevë – Kisella Voda – Aerodrom – Qendër (Stacioni i Ri Hekurudhor) të jetë në funksion deri në fund të vitit. Ky është, siç tha ai mbrëmë, investim i madh prej rreth pesëdhjetë milionë eurosh për të tre linjat e planifikuara të qytetit.
“Në seancë qeveritare, shqyrtuam zbatimin e projektit “Treni i qytetit”. Studimi i fizibilitetit për të gjithë unazën është përfunduar. Nevojiten rreth 50 milionë euro. Një pjesë e këtyre fondeve tashmë është siguruar në Buxhetin e këtij viti dhe NP Infrastruktura Hekurudhore do të shpallë tender për ndërtimin dhe rehabilitimin e pjesës më të madhe të infrastrukturës që do të përdoret në maksimum një muaj – linja nga Zelenikova përmes vendbanimit Draçevë përcakton kufirin midis vendbanimeve Aerdorom dhe Kisella Voda dhe përfundon në Stacionin e Ri Hekurudhor”.
“Presim që linjat e para të Trenit të qytetit të jenë gati deri në fund të vitit dhe të jenë funksionale para Vitit të Ri në linjën Zelenikovë – Dracevë – Kisella Voda – Aerodrom – Qendër, por do të zhvillojmë paralelisht edhe dy unazat e tjera”, informoi Nikoloski.
Ai shtoi se me kërkesë të Qytetit të Shkupit dhe komunave të tjera, përgatitja tenderit për furnizimin e autobusëve të rinj elektrikë ekologjikë, gjithsej 120, nga të cilët 80 do të jenë për Shkupin, është në fazën përfundimtare.
“Kur kombinoni trenin e qytetit dhe autobusët e rinj modernë, transporti publik do të jetë në një nivel shumë më të mirë se sa është tani dhe pres që rezultatet të jenë të disponueshme deri në fund të këtij viti dhe në fillim të vitit të ardhshëm”, theksoi Nikoloski.
Nikolloski: Tenderi për 120 autobusët e rinj elektrik është në fazën përfundimtare appeared first on Telegrafi.
