Me subvencione nga shteti vendosen edhe pesë linja të reja ajrore, drejt Aeroportit të Shkupit nga 6 prilli i vitit të ardhshëm do të fluturohet nga Napoli dhe Budapesti, ndërsa drejt Aeroportit të Ohrit nga 28 qershori nga Katovice, Vrocllav dhe Milano, aeroporti kryesorë Malpensa, tha sot zëvendëskryeministri dhe ministër i Transportit dhe Lidhjeve, Aleksandar Nikolloski.
Nikollovski kumtoi se një kompani ajrore do të rrisë kapacitetin e udhëtarëve për rreth 50 për qind nga viti i ardhshëm dhe do të ofrojë 3.300.000 ulëse për Maqedoninë.
Subvencionet edhe për pesë linja ajrore do të jenë nëntë euro për udhëtarë në ardhje në Aeroportin e Shkupit dhe 12 euro për udhëtarë në Aeroportin e Ohrit.
“Fluturimet nga Katovice dhe Vrocllav janë shumë të rëndësishme për hapjen e Polonisë, e cila është shumë e interesuar për turizmin në Maqedoni, ndërsa veçanërisht turistët polakë janë të mirëpritur në rajonin e Ohrit”, tha Nikolloski në konferencën për mediat në Qeveri.
Ai theksoi se për një muaj e gjysmë, janë shpallur 11 linja të reja ajrore nga aeroportet në Shkup dhe Ohër. Më parë, ishin shpallur linja ajrore nga Stokholmi dhe Madridi, të cilat do të fillojnë nga 2 nëntori, nga Kelni, Bari dhe Praga nga 20 dhjetori, si dhe nga Larnaka nga 30 tetori, për një muaj e gjysmë, shtoi ai, gjithsej 11 linja ajrore.
Nikolloski: Edhe pesë linja ajrore të reja nga Maqedonia e Veriut appeared first on Telegrafi.