Pas reshjeve të borës, në 24 orët e fundit 5 persona kanë kërkuar ndihmë në qendrën emergjente me fraktura, ndërsa ky numër pritet të rritet në orët në vijim për shkak të ngricave.
Nga qendra emergjente thonë se janë të përgatitur për të gjitha rastet. Mjeku Shazivari thotë se gjatë 24 orëve të fundit, kategoria që më së shumti ka kërkuar ndihmë është mosha e shtyrë. Ndërsa më së shumti qytetarët janë ankuar për lëndime të këmbëve.
“Për shkak reshjeve të borës njerëzit dalin më pak jashtë dhe frekuenca e pacientëve ka qenë më e vogël, por kemi pas 5 pacientë të pranuar në klinikën tonë për shkak të thyerjeve. Numri pritet të rritet për shkak se fillojnë ngricat dhe njerëzit do dalin më shpesh dhe presim që numri të rritet. Më tepër lëndime të këmbës, ka pas edhe lëndime të ekstremiteteve të poshtme, por më pak janë të ekstremiteteve të sipërme”, deklaroi Qerim Shazivari, mjek.
Ngricat në rrugë, 5 persona kanë kërkuar ndihmë në qendrën emergjente appeared first on Telegrafi.
