Në Klinikën universitare për sëmundje kirurgjike në Shkup për momentin po mjekohen dhjetë pacientë nga zjarri në diskotekën “Puls” në Koçan, gjashtë prej të cilëve tashmë u është bërë transplantimi i lëkurës për shkak të shkallës së djegiebe, informoi sot drejtori i Klinikës, Nebojsha Nastov në konferencën e përbashkët për shtyp me zëdhënëset e Qeverisë, maria Miteva dhe Venera Latifi-Azizi, si dhe kryetarin e komunës së Kisella Vodës, Orce Gjogjievski.
Siç theksoi Nastov, gjashtë pacientëve të cilëve u është kryer transplantimi janë me shkallë të tretë të djegieve, përderisa tek pacientët e tjerë vazhdojnë kontrolelt e rregullta dhe tashmë gjatë javës së ardhshme pritet të lëshohen në mjekim shtëpiak. Por, siç tha, situata është fluide dhe mund të ndryshojë nga çasti në çast.
Lidhur me pacientët të cilët po mjekohen jashtë vendit, Nastov theksoi se ata deri në një fazë të caktuar do të mjekohen atje, por, siç tha, në një fazë të caktuar do të duhet të kthehen dhe sërish të vendosen në kapacitetet hospitalizuese në vend, për çka, tha, po bëhen protokolle dhe koordinime se si do të shkojë kthimi i pacientëve varësisht tempos së lëshimit.
I pyetur për atë se cila është gjendja e gjashtë pacientëve të cilët po mjekohen jashtë vendit dhe janë në gjendje kritike, Nastov theksoi se do të ketë informatë pas takimit të sotëm të Shtabit të krizës, sepse, siç tha, spitalet nga jashtë janë për gjendjen e pacientëve brifojnë një herë në ditë.
Nastov: Gjashtë pacientëve u është bërë transplantimi i lëkurës për shkak të shkallës së djegies appeared first on Telegrafi.
