Në seancën e sotme të Qeverisë së Republikës së Maqedonisë së Veriut, u miratua konkluzioni me të cilin Ministri për Çështje Evropiane, Orhan Murtezani u emërua koordinator nacional për zbatimin e Agjendës reformuese, thuhet në njoftimin nga shtypi i Qeverisë.
“Gjatë seancës u miratua propozimi – Modeli për krijimin e strukturës që do të menaxhojë zbatimin e Instrumentit për Reforma dhe Rritje, që rrjedh nga Rregullorja e BE-së 2024/1449 për vendosjen e Instrumentit për Reforma dhe Rritje për Ballkanin Perëndimor, me të cilin përcaktohet Agjenda Reformuese e Maqedonisë së Veriut, si dhe nga projekt-Marrëveshja për Instrumentin për Reforma dhe Rritje dhe projekt-Marrëveshja për kredi.
Me këtë propozim-Model, Ministria për Çështje Evropiane, në koordinim me institucionet kompetente, duhet të ndërmarrë hapat e nevojshëm për operacionalizimin e strukturës, e cila përfshin përgatitjen e të gjitha procedurave, udhëzimeve, dhe dokumenteve të tjera për ndjekjen, raportimin dhe vlerësimin, si dhe kontrollin dhe revizionin e brendshëm financiar publik, për zbatimin e Agjendës reformuese”, thuhet në njoftim.
Pas miratimit të tekstit të Projekt-Marrëveshjes mbi Instrumentin për Reformën dhe Rritjen, Qeveria autorizoi ministrin Murtezani ta nënshkruajë atë./Telegrafi/
Murtezani emërohet si Koordinator nacional për zbatimin e Agjendës Reformuese të RMV-së appeared first on Telegrafi.