Ndarja e 5% të buxhetit të mbrojtjes përfaqëson një investim të përgjithshëm në sigurinë, infrastrukturën dhe zhvillimin ekonomik të vendit, thotë Ministri i Jashtëm i RMV-së, Timço Mucunski.
Ai theksoi se të gjithë anëtarët e NATO-s kanë vendosur të ndajnë deri në 5% të buxheteve të tyre për mbrojtjen deri në vitin 2035.
“Ishte një vendim i marrë me konsensus brenda Aleancës. Këto vendime janë të rëndësishme për ne. Ne po shkojmë drejt këtij 5%, në mënyrë që të mos kemi nevojë të ndajmë 30-40% siç duhet të bëjnë sot disa vende që kanë konflikte në territorin e tyre”, tha Mucunski.
Fondet do të mbulojnë jo vetëm modernizimin ushtarak, por edhe investimet në infrastrukturë, sigurinë kibernetike, madje edhe inovacionet dhe startup-et.
“Të gjitha prokurimet dhe masat e ndërmarra nga Ministria e Mbrojtjes për të modernizuar ushtrinë tonë do të llogariten në këtë 5%”, tha Mucunski./Telegrafi/
Mucunski: Duke ndarë 5% të BPV-së për mbrojtje, po investojmë në sigurinë e vendit appeared first on Telegrafi.
