Ministri i Punëve të Jashtme dhe Tregtisë së jashtme, Timço Mucunski dhe koordinuesja e përhershme e KB-së në Maqedoni të Veriut, Rita Kolumbia sot nënshkruan Kornizë të re për bashkëpunim me Kombet e Bashkuara 2026 – 2030, e cila paraqet dokument strategjik kyç i cili do ta udhëheqë punën e të gjitha agjencive të KB-së në vend në pesë vitet e ardhshme.
Siç kumtoi MPJdheTJ, prioritetet në të cilat do të punohet në periudhën prej vitit 2026 deri në vitin 2030 janë zhvillimi inkluziv social dhe njerëzor; ekonomia e qëndrueshme dhe puna dinjitoze; shoqëria rezistente dhe e gjelbër dhe ekosistemet; sundimi i së drejtës dhe menaxhimi i mirë.
Korniza për bashkëpunim është dokument strategjik kyç i cili do ta udhëheqë punën e të gjitha agjencive të KB-së në vend në pesë vitet e ardhshme. Ajo ndërlidhet me bashkëpunimin e deritanishëm mes KB-së dhe Qeverisë dhe paraqet bazë për partneritete të afërta mes partnerëve nacionalë dhe ndërkombëtarë për avancim të arritjeve nga Strategjia nacionale për zhvillim (NDS) 2024-2044, procesi i integrimit në BE dhe Agjenda 2030 (Qëllimet për zhvillim të qëndrueshëm).
Korniza për bashkëpunim me KB-në paraqet ofertë të përbashkët të KB-së në mbështetje të prioriteteve zhvillimore nacionale të Qeverisë së Maqedonisë së Veriut.
“Marrëveshja e re për bashkëpunim është rezultat i vizionin tonë të përbashkët me Qeverinë, e formuar nga kontrolle vlerësuese nga shoqëria qytetare, komuniteti akadmeik dhe njerëzit nga çdo kënd i komunitetit tonë. Kjo marrëveshje e prezanton përkushtimin tonë të përbashkët ndaj përmirësimit të jetës së të gjithëve në vend. Së bashku konstatuam katër prioritete kyçe qëlidhen mes veti dhe janë të dizajnuara të mbështeten. Këto prioritete janë të harmonizuara me Strategjinë nacionale për zhvillim dhe e paraqesin angazhimin e bashkaur për përparim të zhvillimit të qëndrueshëm, pa u lënë askush pas. KB do të punojë krah për krahu me popullin e Maqedonisë së Veriut për krijim të një të ardhmeje më të ndritshme për të gjithë!”, tha Rita Kolumbia, kooridnuese e përhershme e KB-së.
Gjithsej 15 agjenci, programe dhe fonde të KB-së (FAO, ILO, IOM, ITU, UNDP, UNECE, UNEP, UNFPA, UNHCR, UNICEF, UNIDO, UNOPS, UN Women, WHO) e nënshkruan Kornizën për bashkëpunim, duke u obliguar ta mbështesin dhe të kontribuojnë drejt përparimit të vendit në arritjen e Qëllimeve për zhvillim të qëndrueshëm në periudhën në vijim.
