Sektori për Punë të Brendshme (SPB) Shkup ka zgjidhur rastin e sulmit ndaj vajzës nga Çairi, të kryer nga të mitura, të cilat e kanë filmuar ngjarjen dhe e kanë publikuar në rrjetet sociale. Pas masave dhe aktiviteteve të ndërmarra nga oficerët e policisë nga Njësia për Intervenim të Shpejtë dhe Stacioni Policor Bit Pazar, është vërtetuar se më 20.06.2025 rreth orës 14:00 në rrugën “Pavle Iliç” në Shkup, pranë një objekti ushqimor, një vajzë 11-vjeçare është sulmuar fizikisht nga tre vajza, dhe një vajzë e ka filmuar sulmin me telefon celular.
Këto ditë, videoja e sulmit është publikuar në rrjetet sociale, dhe ngjarja më 01.09.2025 është raportuar në stacionin policor edhe nga babai i vajzës së sulmuar, i cili tha se ka mësuar për ngjarjen nga rrjetet sociale, dhe vajza e tij nuk i ka treguar asgjë nga frika se mos sulmohet përsëri.
Të miturit dhe prindërit e tyre janë thirrur në stacionin e policisë dhe pas dokumentimit të rastit, do të ngrihen kallëzime përkatëse në lidhje me veprat penale të “dhunës” dhe “xhirimit pa leje”.
MPB: Zbardhet rasti i dhunës ndaj 11-vjeçares në Çair appeared first on Telegrafi.