MPB Maqedoni njofton se sot oficerët e policisë nga Njësia e Helikopterëve pranë ministrisë, pasi më parë morën kërkesë për të ndërmarrë aktivitete në lidhje me shpëtimin e një personi të lënduar në shpatet e malit Jabllanicë, rrethina e Strugës, së bashku me një ekip nga njësiti special “Tigri”, u drejtuan me helikopter drejt vendit të caktuar për të shpëtuar personin.
“Pas mbërritjes në terrenin e treguar dhe lokalizimit të saktë të personit të lënduar, ai u evakuua në mënyrë të sigurt nga oficerët e policisë dhe u transportua në Aeroportin Ndërkombëtar “Shën Apostulli Pali” në Ohër, nga ku u mor nga Shërbimet e Mjekësisë së Shpejtë dhe u transportua për ndihmë të mëtejshme mjekësore”, njoftoi MPB.
Më parë, Kryqi i Kuq i Ohrit njoftoi se këtë mëngjes morën alarm për ndërhyrje në malin Jabllanicë, ku një person femër nga Struga pësoi një lëndim të rëndë në kyçin e këmbës.
MPB shpëton një person të lënduar në malin Jabllanicë në Strugë appeared first on Telegrafi.