Në Qendrën për trajnim të Ministrisë së Punëve të Brendshme në Idrizovë sot u bë promovimi solemn i nëpunësve të rinj policorë – gjenerata 2024-2025.
Ministri i Punëve të Brendshme, Pançe Toshkovski, gjatë promovimit porositi se këtë vit MPB-ja bëhet më e pasur për 497 kolegë të rinj, ruajtës të ardhshëm të sigurisë së qytetarëve, “djem dhe vajza të Maqedonisë”.
“Profesioni policor nuk është vetëm zgjedhje, por është thirrje, premtim të cilin secili prej jush e pranon me qëllim që t’i ruajë të afë[rmit e vet, qytetarët e vet, atdheun e vet, të sigurt. Kolegë të ardhshëm të nderuar, mirëqenia dhe përparimi i një shoqërie bazohen në respektimin e ligjeve, të shtetit juridik, baza e të cili është funksionimi i suksesshëm i sistemit të sigurisë. Kjo do të thotë të krijojmë, ndërtojmë dhe të avancojmë një polici moderne, të pajisur, profesionale, por gjithsesi edhe polici të kënaqur, e cila detyrat dhe obligimet e veta do t’i kryejë në mënyrë maksimale ligjërisht, profesionalisht, me përgjegjësi dhe me transparencë në emër të qytetarëve, në emër të popullit të vet”, deklaroi Toshkovski.
Toshkovski, gjithashtu, porositi se po ndërtohen dhe do të ndërtohen stacione të reja policore, si dhe se planifikohet ripërtëritja e auto-parkut të ministrisë, uniforma të reja moderne dhe funksionale dhe avancim material dhe teknik i të gjitha njësive organizuese. Në avancimin e kushteve për punë, ai theksoi se, do të bëhet edhe përmes rritjes së rregullt të të ardhurave të të gjithë të punësuarve në MPB.
Ndihmës ministri i Qendrës për trajnim i MPB-së, Vllatko Mitkovski në fjalën e tij para 13 ekipeve të nëpunësve të rinj policorë, porositi se promovimi është shpërblim dhe tregues i punës së tyre.
“Kandidatë të respektuar, të jesh polic nuk është vetëm punë, është profesion i cili bartë përgjegjësi të madhe. Bashkëqytetarët tanë çdoherë do të shohin drejt jush, si për shkak të ruajtjes së sigurisë individuale, ashtu edhe për shkak të asaj kolektive. Duke e mbajtur uniformën policore, ju bëheni anëtarë të një familjeje të madhe policore. Këtu jeni jo vetëm për bashkëqytetarët tanë, por edhe për njeri-tjetrin”, porositi Mitkovski.
Gjatë promovimit u ndanë mirënjohje dhe lëvdata për kandidatët më të mirë policorë të gjeneratës.
MPB: Promovohen 497 policë të rinj, nga gjenerata 2024-2025 appeared first on Telegrafi.