Marija Miteva, zëdhënëse e Qeverisë dhe anëtare e Komitetit Ekzekutiv të OBRM-PDUKM-së, rreth largimit të Arben Taravarit nga Qeveria dhe situatës aktuale politike, theksoi se kjo Qeveri është e përkushtuar ndaj reformave dhe nuk do të lejojë lojëra prapa skenave dhe llogaritje politike.
“Kur dikush nuk pajtohet me parimet e Qeverisë, ai nuk është më i mirëpritur”, tha Miteva në emisionin “Pro ose Kundër”, duke shtuar se Qeveria e udhëhequr nga OBRM-PDUKM është e qëndrueshme dhe e përkushtuar të punojë për qytetarët.
Ajo theksoi se qeveritë e kaluara vepronin nëpërmjet llogaritjeve politike dhe një “tavani” prej 61 deputetësh, por se kjo qeveri po e braktis një praktikë të tillë dhe po përqendrohet në përcaktimin programatik.
Lidhur me dorëheqjen e Ministrit të Shëndetësisë, Arben Taravari, Miteva theksoi se kushdo që vendos të veprojë në kundërshtim me parimet e Qeverisë nuk është më pjesë e saj.
Ajo përmendi edhe formimin e grupit parlamentar të VLEN-it dhe se shumë anëtarë të Aleancës për Shqiptarët nuk kanë dhënë dorëheqjen, gjë që, sipas saj, tregon dobësi në qëllimin e tyre./Telegrafi/
Miteva: Qeveria është stabile edhe pa Taravarin appeared first on Telegrafi.
