Kompania “Philip Morris Kombinati i Duhanit – Prilep” (PMKDP) është vlerësuar për promovimin e barazisë gjinore në vendin e punës, në kuadër të fushatës vjetore të Aleancës për barazi gjinore (GEA) të quajtur “Mitet kundër fakteve”.
Në aktivitetin e djeshëm me rastin e përfundimit të fushatës me rastin e Ditës Ndërkombëtare të Gruas, PMKDP u vlerësua edhe për mbështetjen e vazhdueshme si partnere e përpjekjeve të Aleancës për barazi gjinore në vendin e punës.
Si kompani e madhe ndërkombëtare, me më shumë se 89,000 punonjës, Philip Morris International (PMI) ka vendosur standardet e ekselencës për barazinë gjinore, për të cilat ka fituar certifikatën globale EQUAL-SALARY për pagë të barabartë për burra dhe gra për disa vite me radhë.
Iniciativat konkrete të PMI-së dhe gjithashtu të PMKDP-së për arritjen e plotë të barazisë gjinore përfshijnë: adresimin e paragjykimeve gjinore në vlerësimet e talenteve – përfshirë në rekrutim, menaxhimin e sistemeve të gjurmimit të performancës dhe mundësive të promovimit, përdorimin e gjuhës neutrale gjinore në shpalljet e punës, ndërsa përzgjedhja e ngushtë e kandidatëve bëhet me balancën gjinore të ndryshme intervistash përdoren për të reduktuar rrezikun e paragjykimeve të pandërgjegjshme në vlerësimet e talenteve.
Si rezultat, qëllimi i radhës i kompanisë për sa i përket përfaqësimit gjinor është që deri në vitin 2025 të ketë 35 për qind të grave në poste të larta drejtuese. Qëllimi i ri demonstron dëshirën e kompanisë për të përmirësuar vazhdimisht përfaqësimin gjinor.
Mirënjohje për “Philip Morris Kombinatin e Duhanit – Prilep” për promovimin e barazisë gjinore në vendin e punës appeared first on Telegrafi.
