Komisioni për çështje të zgjedhjeve dhe emërimeve në seancën e 22-të votoi konfirmimin e Propozim-vendimit për emërimin e anëtarëve të rinj të Komisionit shtetëror për ankesa për prokurime publike dhe shkarkimin e përbërjes aktuale të Agjencisë për posta.
Gjorgjija Sajkoski, kryetari i Komisionit tha se deri tek Kuvendi pas publikimit të konkursit, kanë arritur 43 kandidatura dhe ato janë shqyrtuar nga komisioni i veçantë, pas çka janë përgatitur dhe dorëzuar përmbledhjet e të gjithë kandidatëve.
Komisioni me shumicë votash zgjodhi dhe propozoi për zgjedhje kandidatët për anëtarë të Komisionit shtetëror për ankesa për prokurime publike: Natasha Jovanovska – Millosheviq, Maja Malahova, Savka Nejkovska-Taseva, Vene Tasev dhe Jovan Tërpevski, të gjithë juristë me provim të jurisprudencës.
Kësaj pike i ka paraprirë debati dhe harmonizimi me vërejtjet procedurale. Pak para votimit, anëtarët e Komisionit për çështje të zgjedhjeve dhe emërimeve nga opozita (Fronti Evropian) e braktisën seancën e 22-të. Deputetja Arbana Pasholli e elaboroi këtë vendim, duke mos pranuar propozimin për shtyrjen e seancës. Ajo në vërejtjet procedurale theksoi se materialet nuk u janë dorëzuar me kohë dhe se nuk mund të merret pasqyrë e plotë, pasi, siç tha, disa nga dokumentet nuk ishin kompletuar.
Pas diskutimeve midis deputetëve, Pasholli kërkoi votim për shtyrjen e seancës, ndërsa kryetarja Gjorgjija Sajkoski e vendosi në votim. Propozimi nuk u pranua me shumicë (tetë vota kundër dhe katër për).
Pas kësaj, komisioni vazhdoi të diskutojë për rendin e përcaktuar të ditës. Debatoi për Përcaktimin e Propozimit – vendimit për shkarkimin e anëtarëve të Agjencisë për posta. Në diskutim u theksua se sipas konkluzionit të fundit të asamblesë, Agjencia për posta nuk i ka realizuar aktivitetet për përmirësimin e cilësisë së shërbimeve dhe nuk ka arritur rezultatet e pritura. Sipas kësaj, komisioni propozoi shkarkimin e të gjithë anëtarëve të komisionit të Agjencisë për posta (Gjorgji Mihajlov, Andrej Josifoski, Vlladimir Kirovski dhe Borçe Gruevski), ndërsa mandati i anëtarit Suad Bajrami i skadoi më 15 janar.
Pikat e mbetura: Përcaktimi i Propozimit – vendimit për emërimin e anëtarit të Komisionit për mbrojtjen e konkurrencës dhe Konfirmimi i propozimit për zgjedhjen e anëtarit të Këshillit të prokurorëve publikë të Republikës së Maqedonisë së Veriut është shtyrë për seancën e ardhshme, me kërkesë të deputetit Riad Shaqiri.
Është shtyrë edhe pika për Përcaktimin e Propozim-vendimit për shkarkimin dhe emërimin e kryetarit dhe anëtarëve të Bordit për ndarjen e Çmimit shtetëror “23 Tetori”. Në elaborim, kryetari i Komisionit, Gjorgjija Sajkoski tha se Ministria e Kulturës nuk i ka dorëzuar materialet dhe propozimet e nevojshme dhe se kjo pikë duhet të diskutohet kur të plotësohen kushtet.
Miratohet vendimi për emërimin e anëtarëve të rinj të Komisionit shtetëror për ankesa për prokurime publike appeared first on Telegrafi.
