Qyteti është bosh– Bajrami dhe festa Dita e përkujtimit janë në të njëjtën ditë këtë vit, andaj shumë njerëz e shfrytëzuan këtë mundësi për fundjavë të vazhduar larg vendit.
Që mbrëmë, në pikat kufitare ka pasur radhë të gjata pasi qytetarët largoheshin nëpër destinacione të ndryshme. Sipas të dhënave, nga ora 22:00 mbrëmë deri në orën 10:00 të mëngjesit të sotëm, 11.495 shtetas janë nisr për në Greqi ndërsa 3631 për në Kosovë.
“Në pikën kufitare Bogorodicë nga dje (05.06.2025) nga ora 10:00 deri sot (06.06.2025) deri në orën 10:00, kanë hyrë në vend 1862 shtetas dhe kanë dalë 11495. Sa i përket shtetasve të huaj, 4644 kanë hyrë në vendin tonë kurse 7526 kanë dalë nga vendi. Në pikën kufitare Bllacë nga dje (05.06.2025) nga ora 10:00 deri sot (06.06.2025) deri në orën 10:00, kanë hyrë në vend 2538 shtetas maqedonas kurse kanë dalë 3631. Sa i përket shtetasve të huaj, 8264 kanë hyrë kurse 4387 kanë dalë nga vendi”, thonë nga MPB.
Qytetarët myslimanë thonë se do ta kalojnë festën e Kurban Bajramit me familjet e tyre, ndërsa të krishterët thonë se kanë vizituar varrezat e të dashurve të tyre.
“Bajrami sot është festë shumë e rëndësishme, Kurban Bajrami është kur therim bagëti, pastaj shkojmë të vizitojmë të afërmit tanë dhe përfundojmë me shtrimin e tryezës”, tha një qytetar.
“Festa e Fitër Bajramit ra në të njëjtën ditë, prandaj le ta ndajmë, ta bëjmë të mbarë dhe të bukur, le të vazhdojë kështu”, shtoi një tjetër qytetar.
“Ne shkojmë për vizitë, kur vijnë mysafirët, i mirëpresim me bakllava dhe ëmbëlsira”, theksoi një qytetar.
“Është dita e përkujtimit, do të shkojmë në varreza”, u shpreh një qytetar.
Në Maqedoni ka 12 festa shtetërore dhe 16 festa fetare, që e bëjnë vendim me më shumë festa dhe ditë jo pune në rajon./Alsat/
Mijëra qytetarë janë larguar Maqedonia për fundjavën e vazhduar appeared first on Telegrafi.
