Sasho Mijallkov, Goran Grujovski dhe Toni Jakimovski sot morën aktgjykim lirues në rastin “Thesari”, që ka të bëjë me keqpërdorimin e mjeteve nga Buxheti i shtetit për furnizim të pajisjes elektro-komunikuese për nevojat e Drejtorisë së Pestë pranë DSK-së dhe trajnim për përdorim të tyre nga një firmë nga Britania e Madhe.
Sipas gjykatëses Imrane Selmani, të akuzuarit lirohen nga akuzat pasi prokurori publik nuk ka dëshmuar se e kanë kryer veprën me të cilën ngarkohen, përcjell Telegrafi Maqedoni.
Sipas aktgjykimit, harxhimet për këtë gjykim maratonik do t’i paguajë shteti.
Ky është aktgjykimi i dytë për këtë rast, pasi Gjykata e Apelit pranoi ankesat e të akuzuarve në vitin 2022 dhe e shfuqizoi vendimin e shkallës së parë të sjellë në vitin 2021.
Me aktgjykimin fillestar, për shumë çështje nga “keqpërdorimi i pozitës zyrtare dhe autorizimit” ishin dënuar ish shefi i DSK-së, Sasho Mijallkov, i cili u dënua me burg në kohëzgjatje prej tetë vjet, ndërsa shefi i Drejtorisë së Pestë në Ministrinë e Punëve të Brendshme, Goran Grujevski, i cili gjykohej në arrati, ishte dënuar me dënimin me burg në kohëzgjatje prej 15 vjet.
Ish-ndihmësi i ministrit në Ministrinë e Punëve të Brendshme, Nebojsha Stajkoviq dhe Toni Jakimovski, ish shef i kabinetit të Mijallkovit, u dënuan me burg nga 5 vjet./Telegrafi/
Mijallkov lirohet nga akuzat në rastin “Thesari”, në gjykimin e parë u dënua me tetë vjet burg appeared first on Telegrafi.
