Kryeministri i vendit, Hristijan Mickoski theksoi se ligji për përfaqësim adekuat do të jetë më i miri dhe më funksionali.
Mickoski tha se ligji është për të gjithë qytetarët dhe garanton që përfaqësimi në institucionet publike do të bazohet në përgatitjen profesionale dhe jo në përkatësinë politike apo etnike. Ai bëri të ditur se ligji mund të dërgohet që sot në Komisionin e Venecias për vlerësim, dhe më pas do të procedohet në Kuvend për miratim.
“Të presim opinionin e Komisionit të Venecias, dhe më pas ligji do t’u dorëzohet të gjithë deputetëve në Kuvend. Ata do të kenë mundësi të propozojnë amendamente. Nëse ka pajtim rreth formës përfundimtare, ligji do të votohet dhe do të hyjë në fuqi. Duam që gjithçka të bëhet siç duhet, pa e kthyer këtë në një çështje politike”, tha Mickoski.
Kujtojmë se sot, Izet Mexhiti tha se me këtë, po zgjidhin një çështje, që është dashur të kryhet që nga viti 2003.
Mickoski: Ligji për përfaqësim të drejtë do të bazohet në aftësinë profesionale e jo përkatësinë etnike appeared first on Telegrafi.
