Kryetari i OBRM-PDUKM-së, Hristijan Mickoski sot kërkoi mbështetjen e të gjithë deputetëve në Kuvend që të japin mbështetje për riorganizimin e ministrive në vend.
Mickoski sot përmes një konference për shtyp njoftoi se ka dorëzuar propozimin në Kuvendin e Maqedonisë së Veriut.
“Me propozim ligjin për riorganizimin e Qeverisë mes tjerash parashikohet që të riorganizohen një numër i caktuar i ministrive në kuadër të Qeverisë. Ministria e Ekonomisë dhe Punës, ministri e cila do t’i përfshij ingerencat e Ministrisë së Ekonomisë dhe së njëjtës do t’i shtohet edhe puna… Agjencia për sport nuk do të ekzistoj më, por do të krijohet ministri për sport.
Do të kemi një ministri të re, ajo është ministria e administratës. Me këto ndryshime do të realizojmë atë që e kemi premtuar gjatë fushatës, të përmirësojmë standardin e qytetarëve. Edhe njëherë ju bëj thirrje të gjithë deputetëve që të mbështesin këtë ligj”, tha Mickoski.
Mickoski theksoi se bisedimet për qeverinë e re kanë përfunduar, kanë ngelur vetëm disa detaje të eshalonit të tretë që të konfirmohen.
Ai shtoi se qeveria e re do të ketë legjitimitet të plotë./Telegrafi/
Mickoski: Kërkoj mbështetje nga të gjithë deputetët për riorganizimin e ministrive appeared first on Telegrafi.
