Marrëveshja për ndërmjetësim të kredisë hungareze të dedikuar për kompanitë është finalizuar edhe të martën duhet të kalojë në seancën e Qeverisë. Shpresoj se deri në fund të muajit do të përfundojë gjithçka, do të nënshkruhet me bankat dhe u bëj thirrje operatorëve ekonomikë që të përgatisin projekte dhe të aplikojnë që t’i marrin kreditë nga bankat komerciale, theksoi sot kryeministri Hristian Mickoski.
Zvarritja e linjës kreditore, siç tha, është për shkak të zgjerimit të përfshirjes së firmave, të cilat do të mund ta përdorin për çka është bërë analizë, ndërsa bankat tashmë i kanë fondet në dispozicion dhe operatorët ekonomikë do të duhet të nënshkruajnë marrëveshje për to.
“Analiza thotë se 250 milionë euro në vit është kërkesa e operatorëve ekonomikë për të marrë kredi. Nëse i kufizoni mundësitë, atëherë kufizohen edhe operatorët ekonomikë dhe mund të ndodhë që nga ato 250 milionë euro të përdoren vetëm 120, 150 apo 180 milionë euro dhe të mbetet pjesa tjetër. Për këto arsye, ne duam të zgjerojmë gjithçka që do të ketë ndikim pozitiv në BPV-së dhe ekonominë maqedonase. Por tani gjithçka është përcaktuar, është përfunduar, përmbajtja e marrëveshjes është gati”, theksoi Mickoski në një pyetje pas inspektimit të aktiviteteve ndërtimore në rrugën Katllanovë-Gradmanci në komunën e Petrovecit.
Konfirmoi se tashmë kanë arritur edhe 500 milionët tjera nga kredia hungareze, ndërsa tashmë është kthyer edhe fletëobligacioni nga 500 milionë euro nga viti 2018.
Kredia hungareze për kompanitë është me normë interesi prej 1,95 për qind, tre vite grejs periudhë dhe 12 vite afat për pagesë. Kompanitë mund të marrin të paktën deri në 10 milionë euro, nëse kanë 20 për qind komponentë personale të pjesëmarjes në projekt.
Mickoski: Është finalizuar marrëveshja për kredinë hungareze të dedikuar për kompanitë appeared first on Telegrafi.