Kryeministri Hristian Mickoski tha se blerja e produkteve bujqësore vendore po rritet dhe për të është lajm i mirë.
Ai tha se me masat përkrahëse të qeverisë, në treg po plasohen produkte vendase dhe nuk ngelet fokusi tek produktet e importuara.
“Jam shumë i kënaqur nga blerja e produkteve bujqësore. Përse? Sepse në tremujorin e dytë kemi rreth 60 milionë euro më shumë krahasuar me atë që ishte në të kaluarën. Kemi mbi 26 – 27 për qind më shumë produkte të blera bujqësore krahasuar me periudhën e njejtë të vitit të kaluar, që, si sasi, janë për shtatë për qind më shumë krahasuar me periudhën e njejtë të vitit të kaluar”, tha Mickoski.
Mickoski tha se bujqësia vendore mbetet prioritet i kësaj qeveria.
“Këtë e dëshmuar 14 muajt e shkuar, tashmë muajin e 15-të prej se jemi zgjedhur si Qeveri dhe në atë drejtim pres të vazhdojmë edhe në të ardhmen, sepse prodhimin e ushqimit e kemi mjaft të rëndësishëm, sepse sa më shumë prodhojmë, aq më pak importojmë”, tha Mickoski.
Mickoski: Blerja e produkteve bujqësore vendore ka shënuar rritje, fuqizimi i bujqësisë mbetet prioritet për qeverinë appeared first on Telegrafi.
