Zv. Bojan Mariçiq nga Samiti i Liderëve të Ballkanit Perëndimor për Planin e Rritjes në Tiranë tha se u konfirmua edhe një herë se zgjerimi i përshpejtuar i BE-së me vendet e Ballkanit Perëndimor është po aq e rëndësishme për Brukselin sa dhe për rajonin tonë.
“Kjo është arsyeja pse BE-ja krijoi planin e rritjes për vendet e Ballkanit Perëndimor. Qëllimi është i qartë, aksesi i përshpejtuar, i cili do të na bëjë çdo ditë e më shumë pjesë thelbësore të tregut të përbashkët të BE-së. Kjo do të thotë lëvizshmëri më e madhe, veçanërisht për kompanitë dhe të rinjtë. Lidhje më të forta, të përditshme dhe thelbësore me shtetet anëtare të BE-së. Kjo do të thotë më shumë fonde evropiane, por edhe rregulla të qarta, strikte dhe precize, të cilat parandalojnë korrupsionin në të gjitha nivelet”, tha Mariçiq.
Siç tha Mariçiq, janë rënë dakord për disa masa specifike.
“Pjesëmarrja në zonën e pagesave të vetme të BE-së, e njohur si SEPA, që nënkupton pagesën më të lehtë dhe më të lirë të produkteve dhe shërbimeve ndërmjet BE-së dhe Ballkanit Perëndimor. Kjo është veçanërisht e rëndësishme për diasporën tonë, e cila rregullisht dërgon fonde në shtëpi. Masa do të zbatohet deri në fund të vitit.
Një masë tjetër konkrete janë korsitë e gjelbra në pikat kufitare për automjetet që transportojnë produkte nga Ballkani Perëndimor. Qëllimi është të zvogëlohet koha e pritjes, dhe të rritet tregtia, e me këtë edhe zhvillimi ekonomik”, tha Mariçiq./Telegrafi/
Mariçiq: Zgjerimi i përshpejtuar i BE-së me vendet e Ballkanit Perëndimor është po aq i rëndësishëm për Brukselin sa edhe për rajonin tonë appeared first on Telegrafi.
