LSDM i bën thirrje Prokurorisë Publike që menjëherë të hapë hetime për të gjithë tenderët në Ministrinë e Transformimit Digjital dhe kërkon nga Komisioni për Antikorrupsion ta zgjerojë lëndën për të cilin thuhet se është hapur për Andonovskin dhe ta informojë opinionin për rezultatet e procedurës që tashmë është duke e zhvilluar, deklaroi sot në konferencën për media, zëdhënësja e LSDM-së, Bogdanka Kuzeska.
Sipas Kuzeskës, skandalet në Ministrinë e Transformimit Digjital të udhëhequr nga Stefan Andonovski nuk ndalen dhe theksoi se pas tenderit të fituar nga bashkëshorti i sekretares shtetërore Klinçarova, opinioni tani ka mësuar për një tender të ri në vlerë prej 600.000 denarë që sipas informacioneve të informatorëve dyshojmë se i është dhënë një kompanie të lidhur me prindërit e një të punësuari në sektorin e IT-së.
Ministri Andonovski duhet të mbajë përgjegjësi dhe institucionet duhet të tregojnë se funksionojnë edhe kur janë në pyetje zyrtarët e OBRM-PDUKM-së, tha Kuzeska.
OBRM-PDUKM nuk e mohoi tenderin, por siç tha Kuzeska e konfirmoi, ndërsa Andonovski deri tani ka heshtur. “Imagjinoni në konfirmimin e OBRM-PDUKM-së nuk ka kërkesë për përgjegjësi, por me paturpësi pyesin nëse kemi thënë nëse punonjësi është ndonjë zyrtar apo anëtar i Komisionit që vendos për furnizimet. OBRM-PDUKM nuk mund ta zbardhë e as ta relativizojë këtë skandal. Së pari, ekziston dyshimi i bazuar për konflikt interesi në rastin konkret, por edhe në skandalin e publikuar më parë për tenderin të cilin e fitoi bashkëshorti i sekretares shtetërore Klinçarova”, ka thënë Kuzeska. Kuzeska ka thënë se në fund të çdo procedure të furnizimit publik nënshkruhet deklaratë personale se nuk ka konflikt interesi dhe në të dy skandalet është pikërisht ajo që ekziston.
LSDM: Të hetohen tenderët e Ministrisë për Transformim Digjital appeared first on Telegrafi.
