Kryeministri Hristijan Mickoski sot u përpoq të manipulonte përsëri publikun me fjalë boshe për gjyqësorin dhe prokurorinë, akuzojnë nga LSDM.
Nga atje thonë se në vend të reformave dhe zgjidhjeve konkrete, ai edhe një herë demonstron se interesi i tij i vetëm është kontrolli politik dhe pikat e politikës ditore.
“Faktet janë të qarta, që kur ai ka qenë në pushtet, Mickoski nuk ka miratuar asnjë ligj reformues për gjyqësorin. Ministri i tij i paaftë i Drejtësisë nga ZNAM nuk ka zbatuar asnjë ndryshim për një vit të tërë. Në vend të ndryshimeve të premtuara, Mickoski e ka shndërruar gjyqësorin në një degë partiake – me gjyqtarë që janë bashkëshortë të kryetarëve të bashkive të tij dhe të afërm të partnerëve të tij të koalicionit.
Sot ai flet për “sëmundje” nga pagat e gjyqtarëve dhe prokurorëve, dhe e vërteta është se qytetarët ndihen të sëmurë nga paaftësia dhe hipokrizia e tij.
Mickoski madje refuzoi të miratojë ligjet e nevojshme të reformës së bashku me LSDM-në, duke treguar kështu qartë se nuk ka ndërmend të zbatojë reforma në gjyqësor. Ai dëshiron një gjyqësor të bllokuar në sistemin e tij partiak, jo një të pavarur dhe të drejtë”, thonë nga LSDM./Telegrafi/
