Partia opozitare maqedonase LSDM, akuzon qeverinë për rritjen e çmimeve. Nga LSDM thonë se në një vit të qeverisjes së OBRM-PDUKM-së, qytetarët po jetojnë gjithnjë e më vështirë dhe më varfër.
“Shporta minimale sindikale është rritur me gati 5,000 denarë në një periudhë prej një viti. Dhe paga minimale është rritur vetëm me 1,800 denarë. Perimet janë 63.3% më të shtrenjta, dhe frutat me 33% në një vit. Inflacioni është 4.8% dhe ndikon drejtpërdrejt në fuqinë blerëse të qytetarëve”.
“Niveli i çmimeve në Maqedoni është 60% e mesatares evropiane dhe pagat janë vetëm 35% e mesatares evropiane. Pra, për çmime pothuajse evropiane, pagat janë tre herë më të ulëta. OBRM-PDUKM thotë se populli nuk e di se jeton mirë, se nuk e di se sa më shtrenjtë është dhe se qeveria nuk ka shkop magjik”, thonë nga LSDM.
Ata kërkojnë që paga minimale të jetë 500 euro dhe të hiqet TVSH-ja për produktet ushqimore./Telegrafi/
LSDM: Jetesa për qytetarët është shtrenjtuar, ndërsa pagat kanë ngelur në vend appeared first on Telegrafi.
