Gjykata Kushtetuese anuloi Ligjin për tatim solidar, e menjëherë pas këtij vendimi reaguan nga Ministria e Financave.
Prej atje thanë se do të veprojë mbi vendimin e Gjykatës Kushtetuese pas publikimit të saj në “Gazetën zyrtare” dhe do t’i servisojë detyrimet e krijuara nga Buxheti, pra, shteti do t’ua kthejë rreth 49.2 milionë euro afro 156 kompanive.
Këtë anulim të ligjit e ka quajtur fitore edhe Oda Ekonomike e Maqedonisë Veri-Perëndimore.
Kryetari i OEMVP-së Mendi Qyra ka vlerësuar se kjo fitore mbron bizneset karshi padrejtësive që bëhen në vendin tonë.
Reagimi i plotë:
OEMVP fiton betejën, Gjykata Kushtetuese anuloi ligjin për tatimin solidar
Sot, Gjykata Kushtetuese, solli vendim në favor të OEMVP-së, lëndë ankimuese, të cilën edhe zyrtarisht Oda e dorëzoi në Gjykatën Kushtetuese me datë 25.10.2023.
Në konferencë për shtyp, Kryetari i Gjykatës Kushtetuese, z.Darko Kostadinoski, u shpreh se kompanitë kanë afat deri në 5 vite, të kërkojnë që tu kthehen paratë, në rast se u është bërë padrejtësi.
OEMVP që në përgatitjet dhe miratimin e këtij ligji, ishte kategorike se e njëjta është kundër kushtetuese dhe me partnerët e saj “Lansky, Ganzger, Zeqiri + Partner Skopje”, dolën fitimtarë duke i mbrojtur si asnjëherë më parë, interesat e biznesit vendor dhe të anëtarësisë së saj.
Kryetari i OEMVP-së, z. Mendi Qyra, për të njëjtën vlerëson se, kjo është fitore e së vërtetës, dhe dëshmi për atë se, biznesi ka një mbrojtje të fuqishme karshi padrejtësive të cilat ndonjëherë u bëhen në vendin tonë.
OEMVP për më tepër se një vit, në të gjitha paraqitjet në media, ka kritikuar ashpër këtë ligj dhe ka bërë thirrje për sensibilizimin e të gjithë akterëve, me qëllim të parandalimit të penalizimit në mënyrë retroaktive të bizneseve dhe qytetarëve. /Telegrafi/
Kushtetuesja anuloi ligjin për tatimin solidar, OEMVP thotë se e fitoi betejën appeared first on Telegrafi.