Komisioni kuvendor për Çështje të Zgjedhjeve dhe Emërimeve në mbledhjen e sotme e përfundoi Kontrollin e kandidaturave të dorëzuara pas Vendimit për publikimin e Konkursit publik për emërimin e anëtarëve të Këshillit Programor të Radio Televizionit të Maqedonisë (“Gazeta Zyrtare e Republikës së Maqedonisë së Veriut” numër 55/2025).
Sipas votimit të anëtarëve të Komisionit, nga 37 kandidatët e paraqitur, kaluan 24, përderisa 13 nga kandidaturat e paraqitura ishin refuzuar për shkak të mospasjes së dokumentacionit komplet i cilë kërkohej sipas kushteve të Konkursit publik.
Në mesin e kandidatëve të cilët u gjetën në listën e konfirmuar dominojnë gazetarë të diplomuar, politikologë, juristë të diplomuar, por ka edhe aktorë, muzikantë, producentë, inxhinierë elektrikë dhe doktor i shkencave ekonomike.
Ata janë: Valdeta Kasapi, profesoreshë e gjuhës shqipe dhe letërsisë nga Shkupi, Ilir Ramadani, magjistër i shkencave juridike nga Noço Sella, rajoni i Kërçovës, Llazo Tërpkov, politolog specialist nga Shkupi, Burim Ramadani, teoricien i diplomuar muzikant, pedagog nga Kumanova, Zllatko Jankovski, politolog i diplomuar nga Shkupi, Patriot Lumani gazetar i diplomuar nga Frëngova e Strugës, Riste Panov, politolog dhe magjistër i diplomuar në ekonomi nga Sveti Nikolla, Davor Pashoski, magjistër i studimeve për integrime evropiane nga Shkupi, Marjan Velevski, gazetar i diplomuar nga Shkupi, Mile Grozdanoski, i diplomuar për histori të letërsisë nga Shkupi, Selpin Kerim, aktor i diplomuar nga Shkupi, Smilka Janeska Sarkanjac inxhiniere e diplomuar e elektroteknikës dhe doktor i shkencave ekonomike, Vedat Memedalia gazetar i diplomuar dhe ekonomist nga fshati Sllupçan, Komuna e Likovës, Nikolla Madiq, producent i diplomuar, magjistër në Menaxhimin e Burimeve Njerëzore, Anita Selimi – juriste e diplomuar nga Shkupi, Muzbajdin Qamili – aktor i diplomuar nga Tetova, Ivana Efremoski – gazetare e diplomuar nga Shkupi, Biljana Babiq – gazetare e diplomuar nga Shkupi, Antonio Cillakov magjistër i Shkencave Juridike nga Velesi, Vladimir Paleshevski – politolog i diplomuar nga Shkupi, Tomisllav Kezharovski, jurist dhe politolog i diplomuar nga Shkupi, magjistër Vladimir Krstevski – producent i diplomuar nga Shkupi, Bekim Laçi, profesor i diplomuar nga Shkupi dhe Maja Sedrak – magjistër në shkencat muzikore nga Shkupi.
Në grupin e kandidatëve të cilët ranë sepse nuk e dorëzuan dokumentacionin e kërkuar u gjetën emrat e Jordan Plevnesh, magjistër i Shkencave Filologjike dhe Jeta Starova Mehmeti, doktor i Studimeve Kulturore.
Gjatë seancës, gjatë shqyrtimit të kandidaturës së të parit të listës, gazetarit të diplomuar Gajur Ramadani, u tha se ai nuk kishte dorëzuar deklaratë për verifikim në noter për përmbushjen e kushtit të nenit 119 të Ligjit për ASHMAA dhe me këtë nuk i plotëson kushtet për t’u paraqitur në seancë publike. Deputeti nga E majta, Amar Mecinoviq, e kundërshtoi kandidaturën e Ramadanit, si dhe atë të tre kandidatëve të tjerë (Risto Panov, Smilka Janevska Sarkaqac dhe Vedat Memedalija) dhe tha se ata duhet të fshihen automatikisht nga lista. Ata kanë qenë pjesë e Këshillit Programor, i cili ka marrë mandat tjetër në vitin 2018 dhe me ndryshimet në ligj, u është dhënë, thotë ai, një mandat pothuajse i pakufizuar deri në zgjedhjen e këshillit të ri programor. Sipas tij, ata janë në mandatin e dytë që nga viti 2018 dhe nëse zgjidhen do të ishin në mandatin e tretë, gjë që do të ishte në kundërshtim me nenin 118 të ligjit, i cili lejon vetëm dy mandate.
“Tani kemi ardhur në atë ditë kur po diskutohet për një Këshill të ri Programor dhe besoj se kjo do të ishte zgjedhja e tretë për këta njerëz, e cila duhet t’i skualifikojë automatikisht si ky kandidat dhe të gjithë kandidatët e mëpasshëm, aq më tepër që një prej tyre ka qenë kryetar i Këshillit Programor për gati 13 vjet. Mund të diskutojmë shumë për punën e tyre sepse besojmë se ka edhe veprime të kundërligjshme në punën e tyre. Por sipas nenit 118, besoj se të katër kandidatët duhet të skualifikohen nga konkursi”, tha Mecinoviq.
Deputeti Halil Snopçe nga ASH, deklaroi se pajtohet me reagimin e Amar Mecinoviqit dhe se në mënyrë parimore ka të drejtë se në rast se po të jetë ky mandati i tyre i tretë kjo do të ishte në kundërshtim me nenin 118, por pret që kjo të zgjidhet nga Komisioni kur do të vijë koha e zgjedhjes.
Deputetja Ilire Dauti nga BDI kërkoi sqarim për kandidatët që kanë aplikuar, por nuk kanë dorëzuar dokumentacionin e plotë, nëse janë kontaktuar shtesë nga Komisioni për mundësinë e dorëzimit shtesë të dokumenteve që mungojnë. Kryetari i Komisionit Sajkoski tha se Komisioni nuk është i obliguar të kontaktojë me kandidatët dhe se ata që i plotësojnë kushtet do të marrin pjesë në debat publik.
Snopçe në fund të seancës kërkoi që Komisioni të mos jetë rigoroz dhe të rekomandohet që në të ardhmen kandidatët që nuk i kanë dorëzuar dokumentet të kenë mundësi t’i dorëzojnë ato shtesë kur është fjala për plotësimin e kushteve teknike.
Deputetja Sanja Lukarevska nga LSDM-ja kundërshtoi këtë propozim dhe tha se Kuvendi është ai që i zgjedh anëtarët e Këshillit Programor dhe se kandidatët kanë pasur kohë të mjaftueshme për të demonstruar seriozitetin e tyre duke plotësuar dokumentacionin e nevojshëm.
Këshilli Programor i RTMV-së ka 13 anëtarë të cilët i zgjedh Kuvendi me propozimin e propozuesit të autorizuar. Këshilli ka një kryetar dhe një nënkryetar. Kuvendi i zgjedh me dy të tretat e shumicës. Mandati i anëtarëve të Këshillit Program është pesë vjet me të drejtë të një mandati tjetër pasues.
Për plotësimin e kushteve, kandidatët për anëtarë të Këshillit Programor të RTMV-së duhet të jenë shtetas të Republikës së Maqedonisë së Veriut, të kenë arsim të lartë, së paku tetë vjet përvojë pune në këtë profesion dhe të jenë dalluar në fushën e komunikimit, gazetarisë, informatikës, kulturës, ekonomisë apo drejtësisë, me rëndësi për Këshillin e Programit. Kandidatët me kandidaturën e tyre duhet të paraqesin edhe një deklaratë të verifikuar në noter, në të cilën theksojnë se i plotësojnë të gjitha kushtet për parandalimin e konfliktit të interesit sipas nenit 119 të Ligjit për shërbime mediatike audio dhe audiovizuele, i cili i referohet se kush nuk mund të jetë anëtar i Këshillit Programor të RTMV-së, gjegjësisht mospërputhjes së funksioneve.
Komisioni për Çështje të Zgjedhjeve dhe Emërimeve: 24 emra në listën për kandidatë për anëtarë të Këshillit Programor të RTVM-së appeared first on Telegrafi.
