Kryetarja e Asamblesë Kombëtare të Bullgarisë, Natalia Kisellova, deklaroi se vendi do të vazhdojë përpjekjet e saj për të mbështetur Republikën e Maqedonisë së Veriut në procesin e pranimit të saj në Bashkimin Evropian.
“Bullgaria nuk ka absolutisht asnjë pretendim ndaj Republikës së Maqedonisë së Veriut në asnjë formë, përveç respektimit të Traktatit të Miqësisë dhe Fqinjësisë së Mirë të vitit 2018 dhe Konsensusit Evropian të vitit 2022, domethënë detyrimeve që vetë Maqedonia e Veriut i ka pranuar, por që nuk janë përmbushur deri më tani. Ata po kërkojnë argumente për të mos i përmbushur ato detyrime dhe kështu të vonojnë marrjen e një ftese. Bullgaria po i shtrin dorën dhe besoj se në javët e ardhshme do të dëshmojmë se si do të përpiqemi ta ndihmojmë Maqedoninë e Veriut të fillojë negociatat, sepse kjo është e rëndësishme – që Ballkani Perëndimor të jetë pjesë e Bashkimit Evropian”, tha Kisellova.
Ajo kujtoi se këto elementë të qëndrimit bullgar janë të përfshirë në një vendim të Parlamentit bullgar, i cili u votua unanimisht nga deputetët në fund të majit.
Kisellova: E mbështesim rrugëtimin e Maqedonisë drejt BE-së, mirëpo kërkojmë të përmbushen detyrimet që kanë ndaj Bullgarisë appeared first on Telegrafi.