Në ngjarjen tradicionale të organizuar nga Oda Ekonomike e Maqedonisë Veriperendimore (OEMVP), TOP 100, sot janë shpalosur edhe kompanitë më të suksesshme shqiptare në Maqedoninë e Veriut, njofton Telegrafi Maqedoni.
Kryetari i OEMVP-së, Mendi Qyra para të pranishmëve tha se kompanitë shqiptare në Maqedoni kanë arritur suksese të mëdha në krahasim me vitin 2009 prej kur edhe ka nisur të organizohet biznesi shqiptar në Maqedoni.
“OEMVP-ja e ka qëllim të luftojë kundër migrimit e fuqisë punëtore. Kërkojmë rritjen e pagës minimale dhe uljen e kontributeve. Gjithashtu, kërkojmë nga sistemi që të sigurohet respektimi i ligjeve dhe kompanive” tha Qyra.
Kryeministri i Maqedonisë së Veriut, Hristijan Mickoski, para të pranishmëve tha “Me rritjen e konkurrencës, respektimin e ligjeve por edhe me thithjen e investimeve ne mundohemi që të ndikojmë në rritjen e ekonomisë vendore. Sektori privat, kur erdhëm ne, ishin të ngarkuar me procedura dhe pengesa nga ata që ishin para nesh. Ne jemi të vendosur që të jemi krahu i biznesit vendor” tha Mickoski.
Kategoritë që kompanitë vlerësohen në TOP100
Të hyrat vjetore
Fitimi neto
Numri i të punësuarve
Eksporti
Investimet
TOP 5 KOMPANITË SHQIPTARE NË MAQEDONINË E VERIUT
5. Mega AutoParts
4. Vardar Dolomit
3. Bas Tuti Fruti
2. PoFix
1. Dauti Komerc
Këto janë kompanitë më të suksesshme shqiptare në Maqedoni appeared first on Telegrafi.