Kryetari i Këshillit Gjyqësor, Aleksandar Kambovski, mëngjesin e sotëm tha se nuk është njoftuar për iniciativën për shkarkimin e anëtarëve të Këshillit Gjyqësor, të cilën kryeministri Hristijan Mickoski paralajmëroi se deputetët e OBRM-PDUKM-së nesër do ta paraqesin në Kuvend. Kambovski dëgjoi për iniciativën nga gazetarët dhe tha se pret që edhe Qeveria edhe Kuvendi të veprojnë ligjërisht.
“Në disa raste kam bërë deklarata, kam dhënë mendime në lidhje me procedurën e shkarkimit të anëtarëve të Këshillit. I vetmi vend ku parashikohet kjo është në Ligjin për Këshillin Gjyqësor. Iniciativat mund të dorëzohen në Kuvend, secili ka të drejtë të paraqesë iniciativa. Ne të gjithë punojmë në këtë vend në përputhje me ligjet dhe Kushtetutën. Nuk kam arsye të dyshoj se është në përputhje me parimet e Qeverisë”.
“Përderisa është në fuqi Ligji aktual për Këshillin Gjyqësor, mendoj se ai duhet të respektohet dhe për të dalë nga situata aktuale jam i gatshëm të bashkëpunojë me përfaqësuesit e të dy pushteteve në vend – legjislativit dhe ekzekutivit”.
“Natyrisht që ka pakënaqësi me anëtarët e Këshillit Gjyqësor, por në këtë vend çdo qeveri duhet të veprojë në përputhje me ligjet dhe Kushtetutën”, thotë Kambovski.
Ndryshe, sot në mëngjes, kryeministri Hristijan Mickoski fillimisht përmes rrjeteve sociale, e më pas duke iu përgjigjur pyetjeve gazetareske, tha se deputetët e OBRM-PDUKM-së do të paraqesin iniciativë për shkarkimin e anëtarëve të Këshillit Gjyqësor.
Nëse deputetët e votojnë mosbesimin, kryeministri Mickoski pret që anëtarët e Këshillit Gjyqësor të jenë të përgjegjshëm dhe të japin dorëheqje vetë, sepse ligjërisht Kuvendi për momentin nuk mund t’i shkarkojë.
Kambovski: Shkarkimi i anëtarëve të Këshillit Gjyqësor është i paraparë vetëm me ligj appeared first on Telegrafi.
