Gjatë inspektimeve, nuk u gjetën mangësi brenda kompetencës së Inspektoratit Shtetëror Sanitar dhe Shëndetësor (ISHSSH), në lidhje me fëmijën trevjeçar të ndjerë nga Kavadari, njoftojnë nga ISHSSH.
“Duke pasur parasysh se Inspektorati Shtetëror Sanitar dhe Shëndetësor nuk ka kompetenca në pjesën profesionale të punës së punonjësve shëndetësorë, Inspektorati Shtetëror Sanitar dhe Shëndetësor, në përputhje me nenin 296 të Ligjit për Mbrojtjen e Shëndetit, do t’i paraqesë Ministrit të Shëndetësisë iniciativë për formimin e një komisioni për mbikëqyrje profesionale” thonë nga AIM nga Inspektorati Shtetëror Sanitar dhe Shëndetësor.
Ata shpjeguan se pas publikimit të informacionit për vdekjen e një fëmije trevjeçar nga Kavadari, Inspektorati Shtetëror Sanitar dhe Shëndetësor dje kreu inspektime të jashtëzakonshme në tre institucione shëndetësore, me qëllim monitorimin e trajtimit të fëmijës.
“Sipas deklaratës së punonjësve shëndetësorë të pranishëm në ISHP KU për Sëmundjet e Fëmijëve, fëmija është sjellë në orët e para të mëngjesit rreth orës tetë direkt në Repartin e Kardiologjisë, pa shenja jete. Ai është dërguar menjëherë në Repartin e Kujdesit Intensiv dhe Reanimacionit, por fëmija nuk ka treguar shenja jete” ka përcaktuar Inspektorati./Telegrafi/
ISHSSH: Gjatë inspektimeve në lidhje me vdekjen e fëmijës nga Kavadari nuk u gjetën lëshime brenda institucionit tonë appeared first on Telegrafi.