Rreth 90 për qind e banorëve të BE-së shprehen të kënaqur me mënyrën e jetesës në qytetet e tyre, tregojnë rezultatet e Raportit të Unionit për cilësinë e jetës në qytetet evropiane për vitin 2023. Megjithatë, këtë lloj kënaqësie nuk e ndajnë banorët e qyteteve të Ballkanit, përfshirë Shkupin si dhe disa kryeqytete evropiane.
Në përgjithësi, kënaqësia nga mënyra e jetës është e pandryshuar (40 për qind) ose më e ulët (29 për qind) krahasuar me vitin 2019, me përjashtim të banorëve të qyteteve të Evropës Lindore të cilët konsiderojnë se cilësia e jetës është përmirësuar gjatë pesë viteve të fundit, duke përfshirë kësisoj 31 për qind nga numri i përgjithshëm i të anketuarve. Përveç kësaj, mbizotëron përshtypja se qytetet më të vogla perceptohen si vend më i mirë për të jetuar në disa aspekte, si siguria, qasja në hapësirat publike dhe banesat, kujdesi shëndetësor dhe cilësia e administratës publike lokale. Vendet më të vogla konsiderohen gjithashtu vende më të mira për të jetuar për të moshuarit, për familjet me fëmijë të vegjël, por edhe për emigrantët.
Vlerësimet kryhen sipas disa kritereve, si shkalla e kënaqësisë me stilin e përgjithshëm të jetesës, kushtet për lëvizje të sigurt gjatë natës dhe mundësitë e punësimit, gjendja financiare e familjeve, cilësia e transportit publik, ajri, etj. ngjarjet kulturore dhe kujdesi shëndetësor, qasja në zonat e gjelbra, shkalla e korrupsionit të administratës publike, si dhe kushtet e jetesës së të moshuarve, pjesëtarëve të komunitetit LGBTI dhe emigrantëve nga vende të tjera.
Sipas këtij kriteri, Shkupi është në vendin e 75-të nga 83 qytete të përfshira në anketë, me 72 për qind të lumturisë së qytetarëve. Diçka më mirë nga kryeqyteti jonë janë të ranguar si Miskolc e Hungarisë (74 për qind) dhe Podgorica e Malit të Zi (77 për qind), ndërsa më pak të kënaqur sipas kushteve të jetesës në qytetin e tyre janë banorët e Romës (71 për qind), Beogradit (69 për qind), Napolit dhe Tiranës (66 për qind secili), Stambollit dhe Athinës (nga 65 për qind) dhe në fund është Palermo me 65 për qind.
Nga ana tjetër, Cyrihu është me 97 për qind është në krye para Kopenhagës në Danimarkë dhe Groningenit në Holandë me 96 për qind, Gdansk në Poloni, Lajpcigut në Gjermani, Stokholmit në Suedi dhe Gjenevë në Zvicër me 95 për qind si dhe Rostok të Gjermanisë, Kluzh-Napoka në Rumani dhe Braga në Portugali me nga 94 për qind kënaqësi.
Shkupi është në vendin e parafundit, madje sipas vlerësimit nëse cilësia e jetës në qytet është rritur në krahasim me 5 vjet më parë. Vetëm 13 për qind e qytetarëve të Shkupit vlerësojnë se cilësia e jetës në Shkup është më e mirë se para pesë viteve. Më keq renditet vetëm Roma, ku vetëm tre për qind e banorëve mendojnë se situata është përmirësuar gjatë pesë viteve të fundit.
Nga ana tjetër, Shkupi, sipas anketës është qyteti që është vendi më i keq për të jetuar për emigrantët nga vendet e tjera. Kështu, vetëm 33 për qind e të anketuarve shkupjan besojnë se kushtet e jetesës së emigrantëve në qytet janë të mira, gjë që e vendos Shkupin në vendin e fundit në listë.
Para Shkupit është Sofja me 49 për qind, ndërsa kushte pak më të mira ka Parisi, Roma dhe Bialistoku me nga 54 për qind, Beogradi me 55, Verona dhe Lubjana me 57, Podgorica me 58 dhe Iraklioni në ishullin grek të Kretës me 59 për qind.
Raporti përfshin 83 qytete në të gjithë BE-në, vendet e Shoqatës Evropiane të Tregtisë së Lirë (EFTA), Mbretërinë e Bashkuar, Ballkanin Perëndimor dhe Turqinë. Ai përmban të dhëna nga 71,153 intervista dhe një listë prej të paktën 839 banorësh u intervistua në çdo qytet, midis janarit dhe prillit të këtij viti.
Hulumtimi për cilësinë e jetesës së evropianëve në qytetet e tyre: Banorët e Shkupit ndër më të pakënaqurit appeared first on Telegrafi.