Ish-ambasadori Muhamed Halili thotë se nuk është i bindur se ndryshimi i një personi në Gjykatën e Lartë do të sjellë ndonjë ndryshim.
Sipas tij, duhet kohë që puna e tij të tregojë veten.
“Kemi kohë që flasim për reforma dhe nuk jam i bindur se ndryshimi i një personi do të sjellë diçka cilësore nëse institucionet e tjera nuk e mbështesin atë dhe punën e tij. Por i urojmë suksese dhe që ta përfundojë punën e tij me dinjitet. Problemi këtu është dinjiteti i gjyqtarëve”, tha Halili.
Ai foli edhe për faktin se Ligji për Gjuhët ishte një problem i hapur nga qeveria e mëparshme.
“Ligji për gjuhët është para së gjithash një problem i krijuar nga ish-koalicioni qeverisës dhe nga Zaevi. Nëse ju kujtohet, pas revolucionit të tij me të cilin manipuloi qytetarët, ai duhej të miratonte ndryshimet kushtetuese për të ndryshuar emrin dhe kishte si mbështetës udhëheqësit e partive politike shqiptare sepse opozita nuk e mbështeste.
LSDM u premtoi politikanëve shqiptarë se nëse votojnë për ndryshimet kushtetuese për të ndryshuar emrin, do të votojnë edhe për Ligjin për përdorimin e gjuhëve dhe do t’i zëvendësojnë 20% me frazën gjuhë shqipe dhe plus do të fitojmë anëtarësim në NATO dhe BE”, shtoi Halili në “Argument Plus”./Telegrafi/
Halili: Nuk jam i bindur se ndryshimi i një personi në Gjykatën e Lartë do të sjellë ndonjë ndryshim appeared first on Telegrafi.
