Kryetari i ri i Lidhjes së Odave Ekonomike (LOE), Goran Gjorgievski, shpreson që fuqia punëtore që mungon në vend do të sigurohet pjesërisht nga administrata publike, e cila do të transferohej në sektorin privat.
Gjorgievski, në paraqitjen e tij të parë publike si udhëheqës i kësaj organizate biznesi, theksoi se nëse qeveria nuk gjen një mënyrë për të ridrejtuar tepricën nga administrata publike te kompanitë, punëtorët do të duhet të importohen nga jashtë. Kjo do të sillte pasoja të tjera për të gjithë shoqërinë.
Megjithatë, sipas Gjorgievskit, deri më tani nuk ka informacion nëse kjo është e realizueshme, në rrethana të tilla politike.
“Isha pak optimist, jam optimist nga natyra. Do të doja që të ishte kështu ose të shkohej në atë drejtim që në një moment të caktuar ata punonjës të mund të hyjnë në tregun e punës”, tha Goran Gjorgjievski, president i LOE-së.
Gjorgjievski përshkroi prioritetet për të cilat do të mbrojë si kryetari ri i Lidhjes së Odave Ekonomike, me rritjen e produktivitetit, por edhe ofrimin e kredive afatgjata me norma të ulëta interesi dhe skema të mëdha grantesh që do të arrinin deri në 60 përqind të shumës së kredisë, duke qenë prioritetet e tij./Telegrafi/
