Çmimi i bukës nuk do të shtrenjtohet, tha sot kryetari i Lidhjes së odave ekonomike (LOE), Goran Gjorgievski.
Siç theksoi ai në një konferencë për shtyp, çmimi i grurit është i qëndrueshëm, dhe nuk do të ketë luhatje të mëdha as në vajin e lulediellit të papërpunuar.
Duke iu përgjigjur pyetjeve së gazetarëve në lidhje me masat e reja të mundshme qeveritare, Gjorgievski theksoi se biznesi nuk ka të bëjë me ngrirjen e marzheve, por me formimin e çmimeve të bazuara në treg.
Sipas tij, Ligji për Praktikat e Padrejta Tregtare duhet të zbatohet në mënyrë të vazhdueshme.
Lidhur me pagën minimale, Gjorgievski theksoi se duhet të ketë ekuilibër të qëndrueshëm kur bëhet fjalë për pagat. Rritja e pagës minimale, tha ai, ndikon në rritjen e të gjitha pagave të tjera.
“Problemi nuk është biznesi, por administrata. Duhet të mësojmë se duhet të punojmë për t’u paguar. Duhet të krijojmë një situatë pune në shoqëri”, theksoi kryetari i LOE.
